ذا غرامك يا بنيّه فاق ماهم يوصفون

اضغط على أي بيت لعرض معانيه وشرحه

فدوه لك كل الأراضي وكل شبرٍ بالبلادوفدوه لك كل المراسي في سواحل هالعيون

اخترتك لقلبي حبيبه يوم غرّوني العبادواحدٍ بالمال يغري ووحده تغريني بفتون

لا سألتي هل بقلبي لك محبّه أو عمادناظري بأركان قلبي وشوفي وش ساسه يكون

حبّ عذري جاك منّي ويتزيّن به الفؤادوعشق خُمري ما تنام الليل منّه هالجفون

وجوف طاهر ما تلاقي فيه ذرّات السوادوقلب ينبض لا ذكرتك هاضت بنبضه الشجون

بعت ناسي واشتريتك يومه الله لي أرادتكوني حبّي .. تكوني عشقي .. تكوني غيمي والمزون

تكوني بنتٍ وإنتشلها الفارس بذاك الجوادتكوني لونٍ عقب شوفه ما بيلمح أي لون

هذا جفني بس يسهر ما يذوقه الرقادوهذا حبّك بس يكبر أرادوا ولا ما يبون .!

وهذا عشقك وسط قلبي كل لحظه زاد زادوذا غرامك يا بنيّه فاق ماهم يوصفون

آمريني وش بودّك يا حبيبه ولك يُقادكل شيّ ولو طلبتي المستحيلات ابيجون

بس تكفي لا طلبتك شيّ لبّي هالمرادلا تردّي قلب عاشق منك جاله الجنون

يا جنوني يا فتوني وإشتعالي للرماديا عيوني وكل نجمه لو بتضوي بكل كون

ما رضيت يشاركوني في محبّتك العبادفهل بترضي بكف تكوني وكوني بالثاني يكون ؟

عن القصيدة

«ذا غرامك يا بنيّه فاق ماهم يوصفون» من شعر أحمد العولقي، وتقع في ١٣ بيتًا. وهي بالعامية، ورويّها حرف النون، وغرضها الغزل.

التعليقات(٠)

سجّل الدخول لإضافة تعليق.