يا ليت بإيديني القدر وأكتبها للخافق نصيب

اضغط على أي بيت لعرض معانيه وشرحه

يا ليت بإيديني القدر وأكتبها للخافق نصيبويا ليت لو بإيدي المصير وأكون هالمثوى لها

بس ليت ما تنفع إذا هالظن بالشاعر يخيبوإن [ ليت ] تنفعني وربّي بكل ساعه قلتها

اللي بدر منّه الخطا يوم الخطا منّه قريبيتحمّل الويلات اللي بأم عيني شفتها

أخطيت في حق من أحّب وأترجّى رجعة هالحبيبويصدّ عنّي هالحبيب والدنيا عقبه عفتها

كانت بدايات لحلم رسمته في وقت المغيبوبإيدي كسّرت الحلم وبإيدي أنا شلتها

لا جيت أنادي بالهوى ألقاها ليّه المجيبوالحين أنادي ولا أظن إني بصوتي وصلتها

أشوفها فوق اعتلت وانا تحت ويّا النحيبوالجرح والهم ودموع عشانها اذرفتها

وأشوفها ديره ووطن وأنا بموطنها غريبوأستاهل اللي صار لي دامي بلحظه بعتها

ياللي تحبوا بالهوى لا تسألوا عنّه الطبيبلا جاتكم منه علل روحوا لمجرّب وقتها

إن كان تبغون الدوا خلّو الوفا منكم قريبولا تخنون الوفي وتقولوا يا [ أحمد ] قلتها

وأرجع وارددها وأقول يا قلب [ سلوى ] يالحبيبندمت ويا ليت الندم يردّها اللي خنتها

عن القصيدة

«يا ليت بإيديني القدر وأكتبها للخافق نصيب» من شعر أحمد العولقي، وتقع في ١١ بيتًا. وهي بالعامية، ورويّها حرف التاء، وغرضها الغزل.

التعليقات(٠)

سجّل الدخول لإضافة تعليق.