يا لله يارب الخلايق يامعبود

يا لله يارب الخلايق يامعبود — ياواحد ماله شريك نساله

ياخالق الدنيا وفاضل هل الجود — تمحي لنا سيئاتنا من الجهاله

البارحه بايت على خاطري كود — والله عليم الغيب وأدرى بحاله

ويوم العرب باتوا مريحين ورقود — في القلب جرح مسهرني أفعاله

دنياك هدي مابها خير معدود — كل سبح فيها على يوب حاله

حد يلبسها ملابيس م السود — وحد يخطفها بيود ويماله

ولا تشاور الا لي له الشور بجدود — وليمن ثقل حمله يروم اشتلاله

الله لنا يخليه سلطان وسعود — واللى بعدهم عصبتي من رجاله

اتفاكروا عني على سد وسدود — ولا خذوا أنفوسهم بانتساله

يابن حمد ياحميد يا بن محمود — لا تبيع صفك يبتعد ما تناله

ولا تجد مالك قبل ماهوب مجدود — شروات لمجفي وطاوي حباله

أحذرك من غول يرابيك بوغود — وأحذر لا يصيبك بغير احتفاله

لى مايسوي حصن عريض ومزيود — يحميه ويذري قبيلة رجاله

هذاك طبه ما تعين معه زود — ويازم مقر الذل ويهون حاله

عد لصبي عشرين عام بمعدود — وخلافهن ما في صبي عباله

والصقر باتلقاه من يوم مولود — مديم من راسه يقاسي عتاله

والنذل لا ينشد ولا عنه منشود — تلقاه في الحارة يلم الفساله

وحن شيخنا سوى لنا موجب عود — عند القبايل موجب لا تساله

لاشي خطا منا ولا شي منقود — ولا نحيد في حد زرعنا فساله

يا غير بالماجوب وقاف وقعود — واشد من خدامهم لرسالة

الدم لا يفنى ولا فيه مجحود — وكل من غتر منكم يوصي عياله

وحصوننا هجن علابيهن سود — متولمين فوقهن بإحتماله

نسكن بهن بين الخصمين بعنود — وكل من العدوان نعطيه فاله

من ضرب صمع كنهن نشح برود — ورصاصهن سم يتلف أفعاله

وبمصقل مجلاي بطنه ومجرود — يمشي على درج الحطب باعتجاله

وان هب ريح الغضب فيه جالود — جلع وتود الشجر وأرمى جساله

ريحية ما هيب من راس مزهود — من راس سلطان يحمل العباله

كل تفرق منا وكل تبع قود — والله علم بالغيب وأدرى بحاله