الفصول الاربعة

اضغط على أي بيت لعرض معانيه وشرحه

شفت السهر والهم يارحلتي طالواركاب فكري واردات ومصادير

اصبحت اهوجس وانزل بكل منزالواشوف ربحي واحتسب للمخاسير

واسحب على بحر الطواريق موالواجر صوتي بالحروف المصاخير

الله صخرها لجل تشرح لي الباللاضاق بدروب السهر والمشاوير

فضل الكريم الي مواهيبه اجزالمدات جوده بالفرج والتباشير

الحمد له والشكر كله والأفضالوالمن له وحده حكيم المقادير

اليوم انا ياواجد الخير بالفالافتح لك اضلوعي محبه وتقدير

ماضاق صدر الي حمل كبر الأمالحين الوغى لو المنايا طوابير

ياكم نقول اعراض الأمال واطوالولاكل مطلب تطلبه نفسك يصير

صدق الضما لو يصدع الكبد قتالمثل الوهم مايجلب لصاحبه خير

قد لي ثمان اسنين بهموم واشغالانشد مع اعسوس الخلا والمداوير

اشغلني الحض الشقاوي مع اجوالبالهاجره كم هاجرت والدياجير

اسرابها ماتابعت كل مقيالواحرارها ماتختلط بالزرازير

يدفع بعضها بعض ببحور واجبالترقا السحاب وتندفع بالمعابير

طارت بأحاسيسي ولي صار منوالبين الفصول الأربعه والتقارير

فصل الشتا غربال والفقد غرباللابرد يلطف به ولا به مسايير

حتى الربيع الي مثل حلم الاطفالذبلة وروده وادمعت له مقاهير

ومر الخريف يجرجر بفصله اذيالحسره نكدها بالغصون المخاضير

والصيف ياخذمابغى وسط منخالويشعل بعدها بالبواقي دوافير

وابقا وحيد اطلب مفاتيح الأغلالواسمع نشيد الحايره بالعصافير

لاكن عسى الي بالحيا واديه سالقبل السنين المعجفات المجازير

يلقا سمان آمانهن ينفي اهزالباالي ثمان اسنين مجذب ولا زير

مافادني كثرة وقوفي بالأطلالوأرمس زماني وأعتذر بألف تبرير

والمستعير الي على البرد يحتالبثياب غيره يحتمل للمعاذير

والمغتني يعرف قدر كل تفصالالي نسيجه مايجي بالدنانير

حاكه خبير وزامن الجال والجالوغيره يشيح بنظرته للطباشير

مرتاح مايسأل عن القيل والقالحريص مايدخل على نافخ الكير

فرق الثياب الي تغير بالأحواللو كلها شالت على الصدر أزارير

والمستريح الي مع الريح مامالوالمختلف دربه عليه المحاذير

يامسند الحسنى على كل عماللاتحسبن الدرب كله نواوير

فالناس من قالو له الناس حياليهديك بالحيلات درب المخاسير

لاشاف جاكرتا تمايل على مالودنت له وغنت مراكش واغادير

لاتطلب الدرهم ولا تطلب اريالولاتطفي اسراجك بسجن الدياجير

والخيل ماتفقد باالاحرر خيالعسيف درب المعرفه للمصادير

قلته وانا سلطان بداع الامثالماسوقا ياكود سوق الاباكير

ماقلتها ياكود تاصل للاشبالاللي محبتهم بقلبي مقادير

قصايد اجعلها مع الريح مرسالواعقل عليها الذاهبه للمداوير

فضل الكريم الي مواهيبه اجزالومدات جوده بالفرج والتباشير

وصلاة ربي عد ماهل همالعلى النبي الهاشمي داعي الخير

عن القصيدة

«الفصول الاربعة» من شعر سلطان الجالي، وتقع في ٣٩ بيتًا. وهي بالعامية، ورويّها حرف الراء، وهي قصيدة حزينة.

التعليقات(٠)

سجّل الدخول لإضافة تعليق.