فزورة

اضغط على أي بيت لعرض معانيه وشرحه

حزَّر فزّر .. واحد ( مِستر ) ،يصحى من النوم و شّه مزنهر ،

يشرب ( فيتامين ) قبل ما يفطريفطر زبده ، و فينو مَقمّر ،

و مربّه ، و بيض بكذا محمّر ،ثم القهوه لجل يعمّر

ثم لبانه ، ثم يعفَّر ،ثم يقوم لك كده يتمخطر ،

يكبش أوراق لونهم أخضرأكوام أكوام ، آخر منظر ..

يملا جيوبه ، و يمشى يفنجر ،يركب (كاديلاك ) طالعه تزمجر ،

يشرب ( ويسكى ) ملو الأنجر ...و لا عنده هموم ، و لا متعكر ،

و ف حضرتنا مش بيفكر ،و إن جت سيره ، لا يتذكر ،

أصله ف نفسه ، و مش متبحّر ،و لا يعجبهوش اللب الاسمّر ،

غير فى البدله لما بيسهر... إنما خفه ، و دمه سكر ،

مين بقى هوه ؟ .. مش راح أفسر ،واضح جدا .. حزّر .. فزّر .

عن القصيدة

«فزورة» من شعر صلاح جاهين، وتقع في ١١ بيتًا. وهي بالعامية، ورويّها حرف الراء.

التعليقات(٠)

سجّل الدخول لإضافة تعليق.