بالراي متعصب وجمهور واجيال
اضغط على أي بيت لعرض معانيه وشرحه
من صدق بسلطان قوله ليا قالمعاد للكوره معاني وقيمه
قرار شخصي بالعقل صال ثم جالمن واقع مخيم بالامه سديمه
انا هلالي كنت .. واليوم ياهلالقنعت من هامش تبعنا زعيمه
وش عاد كوره .. ليتها الراس والمالاو شي له معنى وقيمه وشيمه
من اجل كوره ليلنا كله جدالوهواش ومقاطع نديم ونديمه
والدم يحرق لجل نادي وتمثالوالكاس ابلغ همنا والغنيمه
تغير الواقع بالافكار والحالوالهم الاول راح ربي عليمه
الهم حال الشام باسباب الاهمالالوضع يكبر والمشاهد اليمه
بالراي متعصب وجمهور واجيالتبنا بفكرعقول ماهي حكيمه
والاغلبيه بالمواقف هم رجالواسمع وشوف ولاعليهم قسيمه
شتات راي .. وهامش افعلنا هزالوابلغ سهم ياصل حروفٍ عديمه
ولو مات جاهل بالثنى المدح ينهالعليه مايسخط امم بالظليمه
بلاه ..؟ كيف اهتم ولا احمل الشالواليعربي دمه هدر كالبهيمه ؟!
للامه بعز الامم ضيم لازالوالشخص بعيونه يشاهد غريمه
وين الفعول .. اللي لها وقع زلزالعزالله انا نندب اهل الشكيمه
هذي مواريها وضيم العرب طالمال الردى بالصمت قوم وعزيمه
الجار ينخا .. والمرض دائه عضالواحداث تدمي .. والمصايب عظيمه
ملا اعتبر .. بالحق ماخطا من الفالوالواقع يغير ويقلب نعيمه
منّا مصدق يحجب الشمس غربالومنهم بفكر الغرب جاب السقيمه
لبرالي وعلماني وجاهل وضالوالمنصف وراع النوايا اللئيمه
ابشع بلاغة وصف من شوف الاهوالياكثر من فينا رضو بالهزيمه
واخر طلب .. ذمه وامانه وسؤالوموجه لقوم العقول السليمه
بالعقل والمنطق ..هل الكل جهال ؟!ولا ..العواقب مرضيه.. او وخيمه !؟
عن القصيدة
«بالراي متعصب وجمهور واجيال» من شعر سلطان عتيق الحربي، وتقع في ٢٣ بيتًا. وهي بالعامية، ورويّها حرف الميم.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.