الزمان الشين

اضغط على أي بيت لعرض معانيه وشرحه

الشعر لن مافاد وش فاد قوله ؟!مثله مثل هرجٍ بلا فكر واحساب

حمله على راعيه تثقل حمولهوابلغ دليلٍ ماذكر باطهر كتاب

الشعر كانه ماسما في وصولهوالفكر شامل بالمعاني والاسباب

يهدف ويسعى او تقرب حلولهنقفل على حرفه ولو يطرق الباب

ماقول قولٍ ماتبنا ميولهشاعر ولي مبدا وموقع بالاعراب

تحليل للواقع بعرضه وطولهوتصوير للاحداث من فوق مرقاب

العلم مطلب والتجارب رجولهرجلٍ رقا للعلم بالعمر ماخاب

من كل بحر اقول نكسب بطولهواما كسبنا .. فالخساير لمن هاب

العلم مكسب والتجارب ذلولهملا سعا مافاده الضرس والناب

اهل الفكر والراي عز الحمولهعليهم اتعلق بالامال الانساب

رجالهم بالعقل والفكر دولهعليه ماضاقت حلوله ولا شاب

ماحار لو احتار ساعة ذهولهولايعجزه بالامر حلال الانشاب

اهل الكرم والعلم واهل الرجولهواهل الوفا والطيب من ساس الاعراب

مادورو لطيب رد العمولهمدة كريمٍ للملا كيف الاقراب

مثل المطر والغيث ساعة هطولهخيره على طيبه بلا شر وعتاب

صار الزمان الشين ينبذ زحولهوانصاف ..! لشباه الثعالب والاذناب

كلن مع اشباهه وشروى فلولهالحق يجمع والردى قسم احزاب

اتشوف للباطل جموعٍ تعولهجمهور ومنافق ونابح وكذاب

في سلمهم ماعاد تنكر خبولهمسلم يصلي .. لكن الفعل ينعاب

ويمين بلسانه .. بهون وسهولهاتزكي افعاله ليا انصاد وانصاب

مخرج طواري مابتلش في دخولهغافل عن عقاب الذي مات ماتاب

لاهم بدينٍ ..! لا ولا حق حوله !بوجيههم فال الردى ضيم وتراب

عن القصيدة

«الزمان الشين» من شعر سلطان عتيق الحربي، وتقع في ٢٢ بيتًا. وهي بالعامية، ورويّها حرف الباء.

التعليقات(٠)

سجّل الدخول لإضافة تعليق.