ياكاتب التاريخ

اضغط على أي بيت لعرض معانيه وشرحه

ياكاتب التاريخ ممنوع الإجحافتنشد عن الإجحاف يوم القيامه

عليك بالعدل الحقيقي والإنصافوأبشر نهار الزلزله بالسلامه

إبحث عن الأعيان من كل الأطرافوأكتب عن رموز الوفا والشهامه

راع التعنصر والتجاهل والإسرافتبرك ركابه عند بــــاب الندامه

والكذب والتزوير ماحقق أهدافوالرجل تعرف قيمته من كلامه

حنا البقوم أبطال ، فرسان ، عرّافلنا مــــــن التاريخ ذروة سنامه

حنا لنا يــــوم المواقيف ميقافميقاف طيب وعز نفس، وكرامه

حنا معادنا ذهب حر ، وأشرافعلى بياض الوجه والإستقامه

وافين في كل المهمات ونظافمانلبس ثياب الـــــردى والملامه

يوم الحرايب والمغازي والإنكافلنا على كـــــل الوجيه الزعامه

خيالنا يركض على خمسة أولافشهد بها اللي جعل ترحم عظامه

لاندفع الجزيه ولاناخذ أحـــــلافحليفنا اللــــي مايغطه منامه

يوم القبايل بين ناهب وخطّافوراع الشداد يطش راع المسامه

يوم العرب فيهم ثقيلين وخفافهــــــذا يشد وذاك يثبت مقامه

زماننا ماساقنا قـــــــدم وخـــــــلافنثبت ونرسي، قو عزم وقرامه

مثل الجبال اللي ورا الطائف أردافالشامخه مابين نجد وتهامه

تشهد لنا الأجناب لعّابة القافوتاريخنا أبيض مادخل فيه شامه

وليا إجحدونا أهل الدعايه والإرجافيحجهم مجــــدٍ لبسنا وسامــــه

والله ماتنزل لغتنا للإسفافيابعدنا عـــــن مفردات الرخامه

وليا عزف بالكذب والزور عزّافخلــــه يطبّل لا نهــــار القيامه

عن القصيدة

«ياكاتب التاريخ» من شعر فيصل بن منصور الرياحي، وتقع في ٢٠ بيتًا. وهي بالعامية، ورويّها حرف الميم، وغرضها المدح.

التعليقات(٠)

سجّل الدخول لإضافة تعليق.