رسالة شاعر ...!

اضغط على أي بيت لعرض معانيه وشرحه

بنتٍ تجر الوقت من دون تهميش.وتطوي لها ناسٍ على مكرة اليآس.!

غرّتهم بزينٍ كسته الدناديش.وانا كرهت البنت عنيت الاخماس.

يابنت ... بانت بالقرون العكاريش.وبانت رسالة شاعرٍ حبرها الماس.

يحوشك الغاوي مع الوقت تحويش.ويدوسك الزاهد لو الوقت له داس.

بالعمر رحله .... والمواعظ تفاتيش.واللي بلا رخصه يبشّر بالافلاس.

ماتنفع الاموال .... مافيه بخشيش.ولا تنفع الخلان و سنين جلاس.

بانت تجاعيدك بوجهٍ لك يعيش.شفتك بعيني روح منزوعة احساس.

ما تلحقك شرهة محبه...! ولا ليش.يسقط مقامك والعتب ماله اقياس.

لو تنكرين الملح بالعمر والعيش.زفي الهنا..! مابين جني ووسواس.

ولو ترسمين العذر للوقت تنبيش.ماعاد تنفع.! (وقع الفاس بالراس).

لو مقبرة صدرك كفنها من الخيش.ترسم وجيه الناس زفرات الانفاس.

لو افهق ضلوعك بها اويق بشويش.بااشوف ناسٍ تآكل اظهورها ناس.

عقلٍ خفيف ويرجح بكفته ريش.واللي معه عقله.! توقى من الفاس.

أنتي ترى دنيا مصيرك بعد ويش.!ذاك الفنا اللي ينتظر دق الاجراس.

فتنه ويملاك الشحم و العراميش.مهما صفا وقتك..! له ايام ينحاس.

أنتي امتحان الناس للقلب تغشيش.تبقى العلامه بين الاخلاص والناس.

فيك الغنيمه ذِكر واللي بقى طيش.غفلة قلوبٍ بين ناشب وعساس.

والخاتمه تروي شفاهٍ معاطيش.للي بقى للدين .. والدين له ساس.

حيّ الكريم اللي على صفوة قريش.صلى لو ان الوقت يسقيه الاتعاس.

عن القصيدة

«رسالة شاعر ...!» من شعر صالح بن عمار، وتقع في ١٩ بيتًا. وهي بالعامية، ورويّها حرف السين.

التعليقات(٠)

سجّل الدخول لإضافة تعليق.