فاس

اضغط على أي بيت لعرض معانيه وشرحه

أَفَاسْ الْفُنُونْضَمَّتْ الدَّنْيَا اسْوَارَكْ

مْنِينْ ضَمِّيتِي بَاحْضَانَكْ فَاسْ لْبَالِيبْسِحْرَكْ مَفْتُونْ

وْفَكْنُوزَكْ وَاسْرَارَكْوَانْتِ غَالْيَة مَنْ كُلّْ مَا هُوَ غَالِي

أَفَاسْ الْمُتُونْبَالشَّرِيعَة اضْحَاتْ انْــــــوَارَكْ

عْنَايْتِي وْرَاحْــــــتِي وْدْخِيرْتِي وْمَالِيأَفَاسْ الشُّجُونْ

نَاسَكْ هُمَا عْمَارَةْ دَارَكْجْبَاهْهُومْ عَالِيَة فَاقَتْ كُلّْ عْــــلاَ لِي

أَفَاسْ لْمَلْحُونْسَاقَتْ الدَّنْيَا اخْبَارَكْ

عَرُوسَة مَحْرُوسَة بَالجَّاهْ لْعَالِيحَــــبِّيتْ فْضَاكْ وَمْكَانَكْ

هَوَا يَصْفَى بِيهْ لَمْزَاجْحَبِّيتْ بِنَاءَكْ وْعُمْرَانَكْ

وْخَطِّيفْ سَاكَنْ لَبْرَاجْحَبِّيتْ عْيُونَكْ وْغَدْرَانَكْ

حْلاَوْتْهَا تْحَلِّي الّْلجَاجْتَارِيخَكْ وْعِلْمَكْ وْايْمَانَكْ

لَسْقَامْ لَرْوَاحْ هِيَّا لَعْلاَجْأَفَاسْ أَفَاسْ بَهْجَةْ لَعْيَانْ

صُورَة سَاكْنَة فْقَلْبِي وْعْيَانِيأَفَاسْ أَفَاسْ عَشْقْ لْفَنَّانْ

وَانْتِ لاَهْبَة فَنِّي وَاوْزَانِيأَفَاسْ تْجَاوْرُوا فِيكْ الأَدْيَانْ

مَسْلَمْ مْوَحَّدْ وْعِبْرِي وْنَصْرَانِيمَنْ الإِيمَانْ حُبّْ الأَوْطَانْ

وَأَنَا اخْتَرْتَكْ تْكُونْ اوْطَانِيأَفَاسْ أَفَاسْ يْحَرْسَكْ الدِّيَّانْ

مَنْ شَرّْ كُلّْ حَاقَدْ ظَالَمْ جَانِي

عن القصيدة

«فاس» من شعر عبد العلي فيلالي بالحاج، وتقع في ١٧ بيتًا. وهي بالعامية، ورويّها حرف الكاف.

التعليقات(٠)

سجّل الدخول لإضافة تعليق.