آفة العصر
الشاعر: حامد زيد · البحر: الطويل
«آفة العصر» من شعر حامد زيد، وتقع في 33 بيتًا. نُظمت على بحر الطويل، ورويّها حرف النون.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
إبتدا للشعـر مبـدا وانجـلا ليـل وضبـاب — وانصتت لاجلي مسامع وانظرت فيني عيون
وانتخت في القصايد من على صدر الكتـاب — واعتزي بالشعر شاعر والخلايق يسمعـون
ومـا بديـت الا بمثـل للسـؤال وللجـواب — واسألوني من بعدها لـو بغيتـوا تسألـون
بطرق ابواب القضيـة كلبوهـا بـاب بـاب — واعرض اسباب الحقايق وانتم اللي تحكمون
من تحررنا وحنـا عايشيـن فـي سـراب — إنجرفنا مـع متاهـات الهتايـف واللحـون
وانسجمنا بالسعـادة فـي عيـون الاكتئـاب — ومانبالي في مصير الكارثـة حتـى تكـون
آفة الإدمان شاعـت فـي بلدنـا بالخـراب — واستقرت في جسدنا مثل ما انتـم تعرفـون
حطمت كلمة عزيمة داخـل قلـوب الشبـاب — وزعزعت مبدا الشجاعة والقناعه والظنـون
عاندت قلب البطولة في مرونـة وانسيـاب — بدلت عقـل التطـور بالسفاهـة والجنـون
حاربتهم حرب ظالم من ورا ستـرة حجـاب — واغرقتهم من ديون في ديـون فـي ديـون
لو دعت قلب الهونة هـام فيهـا واستجـاب — كنهم يوم استجابـوا يدركـون ويشكـرون
مايبالون بخطاها من وراهـا ويـش جـاب — اولتـهـا يلعـبـون وتاليتـهـا يتعـبـون
إرشدوهـم للسـلام وللطريـق وللصـواب — ذكروهم في خطاهـم يـا عساهـم يذكـرون
آفـة حطـت عليهـم ياعساهـا للـذهـاب — إبتلوا فيها وعاشوا مـن عناهـا يشتكـون
من سبايبها فقدنـا كـم بنـت وكـم شـاب — وكم هنا وكـم لنـا بيـد نـاس يجرحـون
ليش نبقي تحت ذلة ورحمة انيـاب الذيـاب — نظحك بوجة الاعادي وآخرتهـا يضحكـون
ننظر الشر بنواظـر يأسنـا ونقـول غـاب — ننتظر كلمة عساهـم يصلحـون ويفلحـون
يستبـدون ببلدنـا مـا يخافـون العـقـاب — وان تجاهلنا تمـادوا وان حكينـا يزعلـون
شجرة الزقوم تبقى لجلهـم يـوم الحسـاب — شجرة تشوي القلوب وتمتلي منها البطـون
وارتكاب الذنب وسهوا عكس عمد الارتكاب — ومن يطيحون بخطاها عمد حتمـا يندمـون
وانـت ياللـي تمتحنـا بالخفيـة والغيـاب — يوم تاجرت بسمومك في وطنا مـن تكـون؟
من يجيب لنا المخدر خايـب والسـم خـاب — وكل ناسـي يتبعونـه بالتجـارة يخسـرون
نحظر التاجر وسمه من تحت قـاع التـراب — ونجعلة عبرة لمن لايعتبر وسـط السجـون
للسما عـز وثبـات وللسحـاب الانسحـاب — والرفيع يدوم عالي والوطـن والـدون دون
وياوزيـر الداخلـيـة يارفـيـع للجـنـاب — لاتهون وجعل كل من يستمع لـي مايهـون
قدها ولـك البطولـة وانـت كفـو للثـواب — ومايزعزع كبرياء محمـد الخالـد حصـون
واصل دروب المسيرة والبس لنصرك ثيـاب — دامنـا عشنـا نصـون ترابنـا لامانخـون
ومانفرط بالكويت ولو علـى قطـع الرقـاب — والأعـادي لاتعـزووا يعتـزون ويعجـزون
ومن يعيشون بثراهـا مايشوفـون العـذاب — ولا حصل خوف عليهم بل ولاهـم يحزنـون
في ظلال الشيخ جابر حكمنـا بالعـدل طـاب — قادنـا وحـد هدفنـا والخلايـق يهـتـدون
الزعيم اللـي يهيـب المعتديـن ولايهـاب — من سلايل حكم ناس ويحكمـون وينصفـون
وانتهى شرح القصيده وسط مضمون الخطاب — وان خطيت بشي فأنتم خير من هم يعـذرون
وهذي ابواب القضيـة كلبوهـا بـاب بـاب — قلت انا كل الحقايق وانتـم اللـي تحكمـون
البحر والقافية
القصيدة على بحر الطويل. أكثر بحور الشعر العربي استعمالًا وأوسعها نَفَسًا، يصلح للأغراض الجادّة كالمدح والفخر والرثاء والحكمة.
تفعيلاته: فعولن مفاعيلن فعولن مفاعيلن.
القافية: رويّها حرف النون — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الاكتئاب: [ك أ ب]. (مصدر اِكْتأبَ). "شَعَرَ باكْتِئَابٍ": بِحُزْنٍ، بِأسىً.
- بطرق: بطرق: البِطْريقُ بِلُغَةِ أَهل الشَّامِ وَالرُّومِ: هُوَ القَائدُ، معرَّب، وَجَمْعُهُ بطَارِقةٌ. وَفِي حَدِيثِ هِرَقْل: فَدَخَلْنَا عَلَيْهِ وَعِنْدَهُ بَطارِقتُه مِنَ الرُّوم؛ هُوَ جَمْعُ بِطْريق، وَهُوَ الْحَاذِقُ بالح …
- تحررنا: تَحَرَّرَ يَتَحَرَّر تَحَرُّراً : صار حُرَّاً؛ تحرّر الزنوج في أمريكا بعد نضال طويل. - البلدُ: استعاد سيادته واستقلاله؛ تحرّر هذا البلد من الاستعمار.