حيرة الجاني

اضغط على أي بيت لعرض معانيه وشرحه

ماجمعنا دم ، و ديار ، وقرابهبس كانوا داخلي ، وسط المحاني

كنت اشوف بطلته .. حلم ورحابهوكنت أحس بضحكته .. لحن وأغاني

وكنت اعاني .. لانظرلي في غرابهليت لامنّه نظر لي .. ما أعاني

والله أنه حلم .. قلبي ماحكابهغير شعري ، يوم شعري ماعصاني

كم خفيت الدمع وأوجعني عتابهمو عشان الناس .. لا والله عشاني

أستلذيت السكوت وقلت : مابهشخص وآحد حطّ نفسه في مكاني

ياضياع الدمع من قبل انسكابهطيحي من العين لو مره عشاني

حيرة دموعي قبل تنزل تشابهحيرة الجاني قبل لايكون جاني

لي قلب ومدري من اللي غدابهكان أحن من الجمود اللي كساني

كان يابه للجروح وكان يابهللوداع اللي بعده العمر فاني

قسوة المرأة غريبه والغرابهلاقست في نفسها وبشكل اناني

والتفاني بقلب مكسوّ بصلابهودك انه مايعد من التفاني

والشعور ْليا تغيّر بـ آنقلابهمستحيل يرد ( قلبك الاولاني )

ويش جابه في حياتي ويش جابه ؟هالسوال ان مر في صدري .. كواني

كل مالديت عيني في .. سحابهينرسم لي وجهه اللي مانساني

وتنرسم لي الف ذكرى في غيابهفي غيابه .. ذكرياته شي ثاني

والحدود اللي فصلتني عن جنابهعلمتني من الوفاء ماهو كفاني

علمتني م أحسب لبُعدي حسابهوسط عينه ، لوّ عينه ماتراني

رحْ وتبقا كل .. مامرت سحابهرحْ وتبقا ..ثابتٍ بين المحاني

كنت اقرب !! بس ماكنا قرابهوكنت أجمل آمنيه بين الاماني

عن القصيدة

«حيرة الجاني» من شعر ريلام المطيري، وتقع في ٢٠ بيتًا. وهي بالعامية، ورويّها حرف النون، وغرضها الشوق.

التعليقات(٠)

سجّل الدخول لإضافة تعليق.