ست وثلاثينك

اضغط على أي بيت لعرض معانيه وشرحه

تعال عندي لك سواليف وعلومياللي سواليفك على قلبي ضمْاد

الله لايجعل على قلبك هموموالله لايجعل على عينك إسهاد

جعل الليالي كلها ريح يشموملاهي بسودا ياحبيبي ولا شدْاد

وعساك منت من الفرح يوم معدوموتضحك لك الدنيا والاحزان تنباد

أي والله أحبك ولو كنت محروممن وجهك اللي يشبه لفجر الامجاد

وأٌقدرك تقدير غالي ومحشوموأعشق ديارك وأنت لي دار وبْلاد

قبلك تمر ايام يومٍ مثل يومنفس الليالي كلها شي ينعاد

لكنّ بعدك مابها يوم مشؤومصارت ليالييّ معك دايم جداد

على أنّك أحياناً تنسيني النومواذا غفيت أغفى على ضيق يزداد

ولا تراضيني ولا تشعر بلوموأرجع واراضي نفسي بحب وإجهاد

ياليتني طيرٍ لعب فالسما حومأقل حاجه مالي ظروف و قْياد

وآول ما آبدّي فيه بالبال محتومبآقف على بابك مسيّر ونشّاد

عجزت لآ حصي حبك لوين بيدومللي الى مالا نهايه و تعداد

كم عمرك البارح وكم عمرك اليومياطول عمرك فيّ ياسيد الاسياد

كل عام وأنت بقلبي أمطار وغيومحتى لو أن قلبي من الشوق وقّاد

وماقول في قربي تراك انت ملزوملكن لي قلبٍ عليك أنت معتاد

أغار من عمرٍ مضى جعله يدومست وثلاثينك تمنيت تنعاد

من شان آعايش فيك مافات لليوملكن ثلاث سنين تسوى لي اعياد

لنْها بكوم وماضي العمر في كوملاقبلها فرحه ولا بعدها حداد

ماتشبه الا غيم مُرسل لديموملين اصبح الديموم بالديم روّاد

ولا مثل ليلٍ تزيّن به نجوملاشفت نجماته تناسيت آلإسْواد

ولا كما لقمه تجي من بعد صومويافرحة الصايم بعد جوع بالزاد

ثلاثه اعوامٍ على الذاكره دوماعدها بالضبط من ضمن الاعياد

و (خمسة عشر / خمسه ) بتاريخ ذا اليومميلاد .. قلبٍ .. لي معه دوم ميلاد

عن القصيدة

«ست وثلاثينك» من شعر ريلام المطيري، وتقع في ٢٤ بيتًا. وهي بالعامية، ورويّها حرف الدال، وغرضها الشوق.

التعليقات(٠)

سجّل الدخول لإضافة تعليق.