طعنتينك

اضغط على أي بيت لعرض معانيه وشرحه

لعلمك مابقى فيني سواي ولا بقى لك غيرمجرد إسم من ضمن الأسامي صوره وتذكار

تمر احيان في بالي مثل قولة صباح الخيربشارع يزدحم فيه الرصيف الممتلي أشجار

اغمّض في سهادي والمحك جرحٍ بلا تبريرسؤالٍ يحتضر في صمت لكنه يزيد اصرار

واشوفك في عيون الغير والعن كثرة التفكيروامرّر بيني وبيني حكاية أخر المشوار

علشان اتناسى دمعتينٍ تحسن التأثيروعلشان اتذكر طعنيتنك وانتخي للثار

تصوّر ليلة البارح ظميت وكنت اشوفك بيررميت الدلو وعيوني تحرى عودة الأمطار

تصوّر كنت اشوفك حلم ما يستحمل التغييرتصوّر كنت اسولف لي واقول انك حمامة دار

وفجأه شفتك بعيني تحاول عن سماي تطيروشفتك تبتعد كنك تدوّر وش ورى الأقدار

بكيتك أو بكيت الحب والإحساس والتقديروضميت الجروح وقلت في قلبي فلك واندار

وشفني صار لي فتره ادوّر للخطا تفسيرواقول الوقت يمكنّه يبيّن خافي الأسرار

وبعد ما مرّت الأيام أعذرني على التقصيرأنا أقدر أقول اليوم للغدار يا غدار

لذلك لا تظن انه بقى لك في حياتي غيرمجرد إسم من ضمن الأسامي صوره وتذكار

عن القصيدة

«طعنتينك» من شعر زايد الرويس، وتقع في ١٢ بيتًا. وهي بالعامية، ورويّها حرف الراء.

التعليقات(٠)

سجّل الدخول لإضافة تعليق.