شفة غياب

اضغط على أي بيت لعرض معانيه وشرحه

الشعر درب وبرد حرب ورحابهضيق ووجع واحباب واقراب واسراب

لو ما اكتبه يكفي أحس بعذابهيكفي أشوف الصدق ف عيون مرتاب

له لذةٍ لا فارقته الرتابهله طعنةٍ مثل الجفا بين الاحباب

يمطر سما تخضّر منه السحابهينزل مثل دمع العزا بين الاقراب

أعنّ له واحنّ له لا انتشى بهعطر اليدين وكحل من بين الاهداب

ياشعر وحكايتك فيها غرابهتعيش الاسما فيك وتموت الالقاب

وانا باعيشك حلم واقراك غابهواغازلك في شوق بشويش ينساب

واقول للي غاب قبل الإجابهالحب ما يولد على شفة غياب

تعال واجمع ذكرياتٍ تشابهوالا انثر ايامي سهر ليل وعتاب

قل للوفا قل الوفا ما يجابهالشوق غابه والجفا فاس حطاب

مل انتظاري واحتضاري بقى بهطلتك عند الباب والا ورى الباب

خذ ما بقى بي لجل اقول انتهى بهوالا اترك المنصاب ويموت منصاب

الجرح له ذكرى تعيش بصلابهوان ذاب شمع الوجد فالحب ما ذاب

الدمع لعيون الخفوق انتسابهلاطاح مرقاب الغلا فوق الارقاب

ولمّت من قبل الغياب العصابهوجتني على غرّه ودوّرت الاسباب

لقيت في بعض الجروح الكآبهالى التقينا حالنا حال الاغراب

والا الشعر مافيه غير الرحابهلو الوجع يمشي على قلبي اسراب

عن القصيدة

«شفة غياب» من شعر زايد الرويس، وتقع في ١٧ بيتًا. وهي بالعامية، ورويّها حرف الباء.

التعليقات(٠)

سجّل الدخول لإضافة تعليق.