تحضير الارواح
اضغط على أي بيت لعرض معانيه وشرحه
الليل عمره طال .. والشيب ما لاحكأن ما للصبح هالليلة طموح !
أزرع أراضي هـــ السهر حزن .. وارتاحواحصد من الذكرى تفاصيل مجروح
واعلق آمالي على شكل .. مصباحوتهب ريح الياس .. والباب مفتوح :
للدمعة اللي ملحها بالأسى فاحلو ذكرياتي بالوله دايم تفوح
يا موجعتني .. طاري البعد فضّاحالصمت بعض احيان تنهيدة البوح
ياما خيالك مر في وسط الاقداحأروى واحس ان العطش بلل الروح
تخيلي !! .. كن البشر صاروا اشباحمن يوم غبتي .. ما سوى طيفك يلوح
والشوق وش هو غير تحضير الارواح ؟أشتاق لك وطيوفك تمر ... وتروووح
ما اقول قلبي من بعد غيبتك طاحأقول قلبي صار مستودع جروح !
ولا اقول عمري من بعد غيبتك راحأقول صار العمر بيديك مذبوح
عن القصيدة
«تحضير الارواح» من شعر زايد الرويس، وتقع في ١٠ أبيات. وهي بالعامية، ورويّها حرف الحاء.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.