احباط

اضغط على أي بيت لعرض معانيه وشرحه

إحباط هـــ الوقت يملى لي عناوينيوأنا اتلفت واشوف الياس قــــدامي

إي والله اني تعبت وضاقت سنينيوفـــ اول نهاية طريقي ضاعت أقدامي

مليّت يا واقعٍ ما عدت تعنيني !حتى ولا عاد تعني شي أحلامي !

كم مدّ قلبي .. قبل لا امدّ بيدينيوعضيت قلبي قبل لا اعضه ابهامي

وكم كان رشدي على غيي يودينييوهمني إن الكثير من العطا سامي

وكم قلت بكره تهون ! وهانت بعيني !!أيام عمري .. إذا هي فعلاً أيامي !

مرات أحس اني اكره كل ما فينيلا شفت ما حولي الا باقي حطامي

مدري من اللي بــ صدري كان يرمينيبس الأكيد إنها تحديداً سهامي !

كم شلت في خاطري جرحٍ يسليني ؟كم طاح من عيني أصدق دمع ؟.. وأعوامي !

أفنيتني ! ما دريت اني بــ اغنينيللضيقة اللي تقول لــ فرحتي : نامي !

أحاول اكتب جروحي قبل تمحينيوالحبر دمي .. بعد ما جفت أقلامي

أفكر إني أسافر بي .. واخلينيأبعد عن الناس .. واتوّحد مع آلامي

يا ما أكذب الناس .. يا ما أصدق عناوينيطعناتهم ! تنقلب ضحكات قدامي !!

عن القصيدة

«احباط» من شعر زايد الرويس، وتقع في ١٣ بيتًا. وهي بالعامية، ورويّها حرف الميم.

التعليقات(٠)

سجّل الدخول لإضافة تعليق.