على الشِّدة صبور

اضغط على أي بيت لعرض معانيه وشرحه

ما شكى الحب رجالٍ على الشدة صبوريبتسم لو جروحه خضر والحال انبرى

لو غلا اللي تحبه بالحنــــايا قصــــوردامه أقفــــــى عليــــــك الله تدوّر ذرى

والسراب اللي تشوفه ما يبل النحــــورالبـــــلا اللي يقوله يحسب انه ثرى

ما ذبحني غير ظبيٍ جاني يختال بغروراستحل الحنايا ولاعرفت اللي جــــرى

آهــ. يا قلبي علامك خابرك ماانت غيورعادتــــك ما تصيـــــد إلا جفــــول مذيّــــرا

ليه هذا الظبي صادك وانت صيادٍ جسورجرجرك يا قلب وانت ماانت ناقص جرجرا

لعنبوا جدّه ذبحني ما يجيد إلا النفــــورلا حضرت ابتسم لي وإلا عني ما درى

لفّني حسنه وزينه غصت في غبة بحورموجةٍ تدنيني منه وموجة ترجع بي ورا

ضحكته بلسم جروحي والمشاعر له تثورمكسبي منه الخيال اللي بليلي ســــرى

سقت له بيض النوايا جيته بصدق الشعور" بدويٍ قضبوه العلم " والعلم أقشــــــرا

يدري إني في وصاله ما أهاب العقــــورأطرق الباب بيميني ما أجي له من ورا

يشتكي قاسي ظروفه وأشتكي حظٍ عثوركل ما مديت كفي قفّــــى يمشـــــي بختــــرا

إيه ياقلبي تصبّـــــــر يمكن الدنيـــــــا تدوربين علّ وعسى وإلا رجـــــاوي هل ترى

هل ترى إن المشاعر بيننا مدت جسوريعني لا زان ظرفك لك بقلبــــــي معبــــرا

ولاشكى الحب رجالٍ على الشدة صبورالله أعلم وش يصيب القلب لامنــــه طــــرى

عن القصيدة

«على الشِّدة صبور» من شعر حمود العبيد، وتقع في ١٥ بيتًا. وهي بالعامية، ورويّها حرف الراء.

التعليقات(٠)

سجّل الدخول لإضافة تعليق.