لو أكتبك

اضغط على أي بيت لعرض معانيه وشرحه

لو أكتبك شعر ومشاعر تموتينخوفي على نفسك وخوفي عليّه

أنا ان بغيت الشعر فزّت شياطيناركب جنون الشعر لأجلك مطيّه

ماشي بدربي رافع الراس والعينأناظر العلْيا ونفسي زكية

كلي شموخ بعزتي والبراهينرجْع الصدى بطويق سلَّم عليّه

حبيبتي جتك القصايد فساتينمْطرّزه بالشوق والشاعرية

زرعت لك بين الحنايا بساتينأقطف لك إحساسي ورودٍ نديه

وبنيت لك قصر الوله بين ضلعين.في عرش قلبي تستظلي بفيّه

صدق المشاعر لاسرت بين قلبينتنبت ورود الشوق غضة طريه

يا عطر قلبي يا ورود ورياحينمدي كفوفك قلبي المزهرية

أنتي عنود الصيد سيد المزايينلك بالأنوثة والحلا جاذبية

لاهب نسناس الهوا عودك يلينريم الفلا بالجسم جسم بدويه

والعين عين اللي تسمى شياهينجيش الهدب في لحظ عينك بليّه

والضحكة اللي تسبق النطق يازينبلسم جروح القلب لو هي عصيّه

وباقي وصوفك خلها بين قوسينواللي عرفته عنك يا زين ليّه

معك حياتي كلها بين حرفينوإن قلت أحبك صاح قلبي شويّه

هذا أنا وحبي من العام للحينوباقي العمر مني لقلبك هديه

وأبعترف لك دام إنك تغاريننعم .. في حبك عزوتي النرجسية

ولو أكتبك شعر ومشاعر تموتينوشلون لا غنيتها سااااااااامرية

عن القصيدة

«لو أكتبك» من شعر حمود العبيد، وتقع في ١٨ بيتًا. وهي بالعامية، ورويّها حرف الياء، وغرضها الغزل.

التعليقات(٠)

سجّل الدخول لإضافة تعليق.