مقاطع شعر ( 1 )

الله الله ياللـي فـي ظلوعـي وقفـت — لك ثـلاثٍ تلـجّ الموحشـات تعـوي

لو بقى دمع ما قصرت معـك وذرفـت — لو بقى وجد خلّيـت القلـوب تغـوي

بس والله شفت وشفت واجـد وعفـت — وبالسما كل يوم أشوف نجـم يهـوي

خفف الله كثير من الوجيـه وعرفـت — ماهو بكل من تعـرف يسمّـى خـوي

وإن بالبعد راحه وإنك إليـا إكتشفـت — علّتك فأعجل بميسمـك وأرك الكـوي

ما يهـمّ القلـوب المترفـه لا نزفـت — المهم في عيون الناس تبقـى سـوي

أيه كل الشوارع زفت والوضـع زفـت — خاليه غير من حـزنٍ سـرى ببـدوي

دجت في كل ركن بهالمدينـه وطفـت — وكان أخر حديث لنصايتهـا .. لـوي

إختلف كل شي بهالزمن مـا أختلفـت — أتعامـى وأجمّـل حالتـي وأحـتـوى

الله الله ياللي كـل مـا أسلـى وقفـت — من ورى الصدر وأرقبت الضلوع تعوي

والله إنـي تركتـك للزمـان وحلفـت — بس جاب القوي منك الشديـد القـوي

2 — كانت ليالي وكـان الحـزن متراهـي

واليوم عين القصيد بنظرته شايحـه — عزّ الكلام وتركت الشعـر لأشباهـي

وأدركت بأن المسامع توحي الصايحه — فأن كان يا مي لاحت بسمتي ماهـي

رضى ولكن دلالي من سخـط فايحـه — وحق رمشك وطرفٍ خـادر ساهـي

ما كان هذا العشم بسنينـي الرايحـه — أخطيت يامي وأدري عذري الواهـي

ما هو مجمّل ولو حطّيت لـه لايحـه — لله يا أنتـي وأنـا مغـرور متباهـي

وأعزّ نفسي عن السقّيـط والطايحـه — ضمّي بقايا غريـبٍ حزنـه يضاهـي

حزن النوارس إليا أقفت بالفضا نايحه — لوكنت سامع نصيحه كان لي ناهـي

لكن لي نفس عن هالخلق متزايحـه — الصبر ثوب الفقير وستـره الزاهـي

والشعر معراج روح ودمعةٍ سايحـه — وأحسّ به مرّ لا رفرف على شفاهي

وإحس نفسي عن التفكير به شايحـه — 3

ما يطرب الشعر غير إليا صعب طرقه — الهيّنه كـل خلـق الله لهـا راعـي

ولاّ الشرايد تجـي جفلـه ومفترقـه — ولا يقنص الفكر غير الشاعر الواعي

فإن كان ما بيّن بعين البشـر فرقـه — خلّيت كثر الحضور وما لهـا داعـي

من أوّل الليـل ليـن تبيّـن الزرقـه — وهو معي وين ما وجّهت بشراعـي

كنّي سماه وينـوض بداخلـي برقـه — أو كنّه المهتوي والمرقب أضلاعـي

يا حادي البوح نوم البارحـه سرقـه — يخمّ عيني وتقنـب دونـه أوجاعـي

ستاير الصبر سمل النـور يخترقـه — بلْيت ولا عاد فيهـا ينفـع رقاعـي

غريب أجرجر خطاي وطالت الطرقـه — متحريٍ كل ليلـه صرخـة الناعـي

ما مر في عالمي من غربه لـ/ شرقه — فرحٍ يبلّ العـروق ولا لفـى ساعـي

والشعر الأوراق والأوراق محترقـه — ليتي قبل ما أكتبـه دوّرت مطلاعـي

4 — البارحه بين حـد الصحـو والغفلـه

ماهزّني غير صوت الشادي الناغي — يجر له لحن فوق الدوح وأهتف لـه

يا عازف الحي صوتك موجعٍ طاغي — فج الحنايا وخذ قلبي معك شف لـه

جناح يقوى لقلب الغيمـه إبلاغـي — أبنهمر مثل طعم الحكي مـن طفلـه

تعلّمـت كلمتيـن وراحـت تغاغـي — ما كان حزني عشان الخلق تأسف له

ولا أسأله وين في تغريبتـي باغـي — وأحس روحي طريدة مبعـده جفلـه

وأحسّه الطهر ويلزّم على إسباغـي — وأبلا به الشعر وأغنّيه وأقطف لـه

دمعٍ تعبت أستره في طارف شماغي