أزرق الدمع بعيوني

اضغط على أي بيت لعرض معانيه وشرحه

يانظرعيني علامك ما تحنيّن المعنىّمتعبٍ نفسي ورجلي كل يومٍ بالتعنيّ

أسهرالليل ، آتوجد ، وآتعبر، وآتمنىّآآآه يا وقتٍ قضيته بالتوجد ، والتمنيّ

أزرق الدمع بعيوني كيف بأرقد وآتهنىّما هقيت اللي يحبك ، يرقد الليل متهنيّ

حبنااللي من قديم العهد أنا وأنتي دفناّإكتشفت إنه هواللي في غرامك قد دفنيّ

لعن أبوحيّك .! خيالي ما تبلا ّك وتجنىّمثل ما طيفك بلاني ، بالمشقة والتجنيّ

كلمامريت ، قلتي وش علامك تمتحناّوأنتي ما والله غيرك في حياتي ممتحنيّ

ليت ربي ماجمعني بك على حبٍ سجناّلكن أستاهل مدام اخترت لي حبٍ سجنيّ

الهوى يالغاوية مشمول به إنسٍ وجناّوأنتي الظاهرغرامك ساكنٍ في قلب جنيّ

بس أناشاعر ونظمي في القصايد ما يثنىّدام منطوقي سليم ٍوش يخليني أثنيّ

قالت إن كانك على ما قلت لك بالشعرفناعطني ألغاز ٍمن أشعارك وأنا أوريك فنيّ

قلت أنا ماذا بعلمي ، كان علمك ، فيه إناّإبتدي بالهرج ،وخليّ قولةٍ إنك و إنيّ

وأنا بيني وبين نفسي عقب يوم القلب حناّودي ابدأ بالكلام،اللي له العاشق يحنيّ

قالت أبا أنشدك عن شئٍ إذا شلته يوناّوإن تركته من يدك بالأرض يسكت مايونيّ

قلت أنا بأقول حلّه ، جازمٍ ماهوبظناّهذي القُلّة ، من الفخّار ، إذا ماخاب ظنيّ

لكن أبا أنشدك عن طيرٍ على كفي يتثنىّدايماً أداعبه وأطرب إلى صار متثنيّ

طار ليله من يديني .! والنهار أقبل وغناّقالت أعرف حلها ، لكن نبي شاعر يغنيّ

قلت نقعد ننتظر..! أحدٍ يجي فينا ومناّقالت اسكت تدري ماغيرك أحد فيني ومنيّ

قلت هذي لعبة إبليس الأمر بايدينه تسنىّيضحك بوجه البشر ! وهو لمبراته يسنيّ

آآآآه ياقلب العنا ، وش جاك ماعد بك تأنىّوأنا خبري بك ثقيلٍ ، بالتصرف ومتأنيّ

أشتكي وأدخل على الله من ظروفٍ لعوزناّومن تصاريف الزمن اللي بعمري لعوزنيّ

عن القصيدة

«أزرق الدمع بعيوني» من شعر محمد بن عمار، وتقع في ٢٠ بيتًا. وهي بالعامية، ورويّها حرف النون، وغرضها الغزل.

التعليقات(٠)

سجّل الدخول لإضافة تعليق.