نايض البرق

اضغط على أي بيت لعرض معانيه وشرحه

ياهلا بالذي نوّه يطرّز سماياظللتنا غيومه والمطر به نضيح

مرحباً عد ماأبرق من جميع النحايايم خلي بوادر نور سيفه يليح

نايض البرق أخيله فوق سبت العلاياوالمراويح تسبح في الشمال الفسيح

يوم ناديت قافي جت خيوله عراياأقبلت تصطفق صوبي وتجمح جميح

مذعنات ٍلمدحه صايرات ٍسباياتضوي بطوعي وتسرح بأمري سريح

صاحبي جامعٍ الزين وكل المزاياكاملاتٍ وصوفه مايبي له مديح

صبت الشمس نور ٍفي الثغر والثناياوالشعاع انصهرمن فوق خده يسيح

وحمرة الورد في الوجنة بلون الشفاياوالشعرمن على الامتان يسبح سبيح

كلما اشرّ ، بعينه مرخيٍ الغطاياجض قلبي ولولا العيب والله لا اصيح

صارحبه بدمي ، مختلط بالخلاياحرّم الدم ربي ، كيف ؟ هو يستبيح

تهت عقبه وحيلي ما بقابه بقاياكلما قمت رجلي ، تنثني بي طريح

إنتخيت وفزع لي من حشام الطناياقالوا أبشربعزك لوهي روس ٍتطيح

قلت والله مالي ثار ولالي قضاياكل مابي غزالٍ من صوابه جريح

لي شهور ٍواناانشد عنه بين القرايالالقيته ولا احد جاب علمٍ صريح

عن القصيدة

«نايض البرق» من شعر محمد بن عمار، وتقع في ١٤ بيتًا. وهي بالعامية، ورويّها حرف الحاء.

التعليقات(٠)

سجّل الدخول لإضافة تعليق.