المرثية

اضغط على أي بيت لعرض معانيه وشرحه

آآه وآجض قلبي من صروف الدهرجضّة اللي مريضٍ والمداوي كواه

هزّني صدمةٍ إرتج منها الصدرونشف ريقي ووقفت كلمتي في اللهاه

في نهار الأحد ،، جاني شنيع الخبرمن غشيمٍ فجعني ، ربنا ماهداه

قال ابن سعيد مات اليوم قبل الظهرفي طريقه قبل يبدأ وضوء الصلاة

قمت أطوّح بصوتٍ منه جاري حضرينشد أهلي محمد يالربع وش بلاه

ودمع عيني سبقني بالبكاء وإنتثرغرّق الخد ، وابتلت ثيابي معاه

مابكيت إعتراضٍ للقضاء والقدرماكتب تم ، وكلٍ بيذوق الوفاة

الصبر ياجماعة وين أنا والصبرماقويت الصبر ياناس ويش السواة

كل حبٍ عفيفٍ صار بين البشرلو يجيبون مثله ، مايساوي غلاه

ومايجي عند حبه نقطةٍ في بحرحب في الله صادق الله اللي عطاه

عن القصيدة

«المرثية» من شعر محمد بن عمار، وتقع في ١٠ أبيات. وهي بالعامية، ورويّها حرف الألف.

التعليقات(٠)

سجّل الدخول لإضافة تعليق.