يــقــول عــدل والســلام تــحــيــه

يــقــول عــدل والســلام تــحــيــه — تـبـلغ إلى الجـامـع بـحـسـن نـيه

مـن حـيـن يـصـل يـشرح له القضيه — يــقــول له عــدل مــعــه شــكــيــه

الأوله تــعــمــر له المـطـاهـيـر — والثـانـيـه تـأمـر بـمسرة البير

فالريح في المصفا بتنفخ الكير — ولا مــعــي قــنــديــل للعــشــيــه

وجــدري الشــرقــي قــدوه مــهــدف — الله يــصــونــه لا يــزيـد يـودف

ولا مـــعـــي صــاحــب ولا مــعــرف — واســال بــذا قـارش والاشـرفـيـه

فـان بـه مـعـك شـي فـالمحب مصرف — يـا ليـت يـا جـامـع وأنـت تـشـرف

حــتــى تــحــقــق حــالتــي وتـعـرف — تـــشـــرفــه بــالصــوره الرضــيــه

فـاسـتـلفـت الجامع وقال لا باس — بــحــالتــك قــد عـرفـونـي النـاس

أهـلا وسـهـلا مـرحبا على الراس — وخــرجــتــي بــيــر العــزب دليــه

جـــلس إلى جـــمــعــة رجــب وغــزر — خـرج مـن الدايـر وجـا مـن البـر

والمـدرسـه عـن يـمـنـته والابزر — وصــورتــه مــثــل القــمـر مـضـيـه

تــســامـعـت بـالخـرجـه المـسـاجـد — فــأقــبــلت تــجــري بــكــل سـاجـد

وأقــبــل الجــامــع بــكــل عـابـد — والعـلم فـيـه والحـاله الرضـيـه

وصــل إلى فــوق الجـروف وقـنـبـر — فـاسـتخدم المذهب هناك والأبهر

وجــا النـزيـلي يـشـتـكـي مـغـور — وادا مــن الورد الجــنــي هـديـه

وصــل إلى عــنــده خــبـط بـحـصـره — فــإعـتـرا الجـامـع غـثـا وحـسـره

وقــــال لله الكـــريـــم نـــظـــره — الصــنــو يــاقــوت غـطـس الوصـيـه

فـــقـــال عــدل يــا أخــي تــوقــع — خــلى المــوفـق يـفـتـهـن ويـسـمـع

إن لم يــكـن بـه للكـلام مـقـطـع — والا بــقــت يـا صـنـو هـو شـليـه

قـال النـزبـلي لي مـن المـواهـب — مـن البـخـور والكـنس والدواليب

فــقــد سـلكـت السـهـل والمـقـارب — ولا المـطـاهـيـر في الشتا طريه

تـــوجـــه الجــامــع طــريــق عــدل — وقــد طــلع حــنــظــل وهــو مـبـدل

وأقــبــل القــاضــي وهـو بـيـهـذل — والبـهـمـه ابـطـت بـعـدهـم شـويـه

مـن حـيـن بـدا صـوحـه بقى يحولق — وعــدل المـسـكـيـن قـدوه مـشـبـرق

عــاود إلى الجــامـع قـوي يـحـرق — وقـال انـالي فـي الثـمـان وقـيه

دايـم زمـاني ما اعرف السنيدار — ولا يــدفــونــي بــكــزتــيـن نـار

إن كـان مـالي وقف فانت لي جار — لأن عــادك يــا كــبــيــر بــقـيـه

فــجــوب الجــامــع وقــال أبــشــر — لا بـد مـا نـوبـه إليـك ونـنـظـر

ونــصــلح المـخـتـل فـيـك ونـعـمـر — بــيــنـي وبـيـنـك مـروح النـضـيـه

شــادي فــراش مـن داخـل المـقـدم — إي والنــبــي قــد حــالتـك زريـه

وأقــبــل الصــيــاد يــهــف مـسـرى — مـن بـاب حـنـظـل مـفـتـجـع بـيجري

وفــي يــده قـرطـاس طـويـل مـغـرى — مــســوده فــيــهــا أمــور جــليــه

ســلم عـلى الجـامـع وقـال إسـمـع — أنـا فـقـيـر مـحـتاج إليك واقطع

إن فــيــك شــي لله وشــا تــوســع — فــعــلت له مــن فــضــلتــك كـذبـه

فــجــوب الجــامــع جــواب شــافــي — وقـال انـا لك كـنـت قـبـل جـافـي

شـارسـل لقـصـعـه والزم الحـفافي — يــقــدروا كــم يــدخــلك شــقــيــه

فـــقـــام عــدل بــالدعــا يــلبــي — وقـــال له تـــاقــى عــليــك ربــي

بــذا كــلامــك قــد غـذيـت قـلبـي — عـادك مـن اهـل العـرف والحـمـيه

فـاسـتـلفـت الجـامـع وهـو بـيضحك — وقــــال لله مــــا اخــــف روحــــك

قـد بـيـن اخـوض فـيـمن يصل صوحك — وبــوســعــه مــن غــربـي البـنـيـه

قــدك فــقـيـر مـضـطـر إلى زيـاده — وقــبــلتــك أصــغــر مـن المـزاده

وفــيــك قـالوا تـقـبـل العـبـاده — ولا مــعــك جــربــه ولا تــكــيــه

فـقـال مـعـيض وانا رأيت لك خير — انـك مـسـنـب عـنـد بـاب ابـو طير

واطـرح فـي قـبـلتـك أبـو الخـيـر — والصــومــعــه حــقــك خـور نـقـيـه

فـسـرت فـي اليـقـظـه إلى المعبر — وان اليـزيـدي فـي الزمـر مقنبر

فــقــيــه عــارف للأمــور مــدبــر — ولا ابـن سـيـريـن له إلى هـنـيه

فـــقـــلت له إنـــي رأيـــت رؤيــا — بــــأن عــــدل قــــارن الثـــريـــا

وانـه إلى الخـير والصلاح تهيا — وأن فـــيـــه أصـــواح عـــامــريــه

وســنــبــتــه فــي جـانـب المـنـور — لا بـد مـا يـلحـظ إليـه ويـعـمـر

ويــخــرش القــبــله بــلاز أخـضـر — وبــقــتــلب جــامــع بــنــي أمـيـه

لا بــد مــن جـريـة عـيـال جـسـار — ويـغـرسوا فيها البصل والاشجار

ويـدرسـوا فيه البيان والازهار — ويــعــمــلوا مــلحــه وشــاطــبـيـه

ويــفــعــلوا فـي قـبـلتـه خـزانـه — ويــعــمــلوا للوقــف حــبــخــانــه

ويــلزمـوا له بـالسـليـط أمـانـه — وله ســنــيــدار شــوكــتــه قـويـه

ويــغــرسـوا فـي الصـومـعـه مـؤذن — يـبـقـى يـشـوعـاً في الكنيس مطنن

مـن جـور تـسـبـيـحـه تـضـرط الجـن — وفــيــه إمــام ديــن بــجـامـكـيـه

فــدنــق الجــامـع طـريـق صـنـعـاء — وســار عــدل صــحــبــتــه بـيـسـعـا

الله يـــحـــفــظ غــرتــه ويــرعــى — لأن عــاد الفــضــل فــيـه سـجـيـه

فــأحــجــرت للجــامـع البـراقـيـق — وصـفـقـت بـاجـنـاحـهـا الغـرانـيق

والعـنـبـرود قـد هـزت المـواريق — وافــتــر ثــغـر الروضـه النـديـه

وكــان طـريـقـه مـن قـبـال شـمـله — خـلا شـعـوب عـن يـسـرتـه بـقـبـله

وقــد فـعـل مـعـروف وخـيـر جـمـله — وقــام بــالمــقــصـد بـحـسـن نـيـه

فــســار حــتــى جــاوز الخــنــادق — ذكـر مـن البـسـتـان كـلام سـابـق

أنــه حــراف أســعـد مـسـاء وآبـق — بــيــن الدول والروضــة النـديـه

فـأقـبـلت فـروه إليـه فـي الحال — هــزت بــيــارق مــن شـعـور وأراق

قـالت فـراشـي مـن حـصـيـرتـه طال — عـمـري وانـا اشـكي صاحب التكيه

وجــنــبـه المـشـهـد بـقـى يـداعـي — وقــال كــم لي للصــلاه مــراعــي

فـاسـتـلفـت الجـامـع وقـال راعـي — فـالحـاجـه العـال هي تكون بطيه