المشاعر وربما ألمـ شاعر

اضغط على أي بيت لعرض معانيه وشرحه

قالت إفرض طيب إن الشمس نامت من تعبهامن تظن يفك أزارير المسا ويصب نور

قلت أبد لا تشغلين عيونك إلا في هدبهاواعصري ظلك تسيل شموس وتجف البدور

ياحياتي والمشاعر هي " المـ... شاعر" كتبهاوالغلا هو " الغـ...ـلا " وأعذر حبيبك لو يجور

ولو رصعت الشمس روبي وأكتسا اللولو لهبهاأختفت مع لمعة ظلالك بقيعان البحور

وغرتك لا هفهفت حتى الهوى لا ماقضبهاودايم تفرّك يدين اللي يصافحك العطور

وماسبقك أحدٍ تجلل بالسحايب واعتصبهاولاعرق حيٍ دهن ورد وزفر غيرك بخور

آه يا أحلى ذنوب العاشق اللي مأرتكبهاالغرور يصيب غيرك وانت من صاب الغرور

شفت دورة هالكواكب حول شمسٍ تجتذبهاكنها قلوب الأوادم حولك تحور وتدور

نفسي ادري من سبقني للمواعيد وشربهااو من اللي بس عبا دمي إحساس وشعور

ياحبيبي قد سمعت بنار قد حنت حطبهاأو بمن يشهد على نفسه لخصمه يوم زور

طالبك لاتنشد دموعي حبيبي عن سببهاواعذر القلب الحزين وانت بالحيل معذور

قالت افرض طيب ان الشمس قلت يوم ادبهاقلت انزلها بقذلة صبحها وأكتبك نوووووور

عن القصيدة

«المشاعر وربما ألمـ شاعر» من شعر عبدالمحسن بن سعيد، وتقع في ١٢ بيتًا. وهي بالعامية، ورويّها حرف الراء، وغرضها الغزل.

التعليقات(٠)

سجّل الدخول لإضافة تعليق.