الملح والدانه

اضغط على أي بيت لعرض معانيه وشرحه

الشط شبّك يدين الموج بيدينهيارقصة العشق بين الملح والدانه

والشمع من حب دمعه شب في عينهوالليل مجنون يعشق صبحي جنانه

واللي نسى الورد عقب كفوفها لينهمنها ترى الشمس مطفيّه وخجّلانه

فرّعونة الموق والغنج وسلاطينهحوريّة الزين وبحوره وخلجانه

في خدها ناسي المخمل عناوينهوفي فمّها ناسي الرمّان رمّانه

وإن سولفت يسأل الليل .. القمر وينه؟؟وإن سلهمت ضيّع العصفور جنحانه

تضحك ويبدا الضيا يعتق مساجينهوإن صحصح الكحل تبقا العين نعسانه

ومن صافح كفوفها تزهر شرايينهومن شافها شاف وش عذروب خلانه

تنزل على اللي فخربه ناس راقينهوماداسته يرتوي والأرض عطشانه

مدري هي انسان غير الناس تكوينهوإلا انها نجم ملَ النور بأوطانه

والزين كله لها أو فوق نصفينهوالناس فيما بقا خشره وفرحانه

بس وهنا سوّر العاشق بساتينهوطبعاً كذا الملح ذاب وغاصت الدانه

عن القصيدة

«الملح والدانه» من شعر عبدالمحسن بن سعيد، وتقع في ١٢ بيتًا. وهي بالعامية، ورويّها حرف النون، وغرضها الغزل.

التعليقات(٠)

سجّل الدخول لإضافة تعليق.