نوايا العطر

اضغط على أي بيت لعرض معانيه وشرحه

كن الهبايب يوم تمحا الخطاويعاشق بكفه يمسح دموع معشوق

والحزن عمره ما يبيّت خلاويولا يرقد إلا مفترش عين مخلوق

ياورد علمني وش العطر ناويأوتدري أسكت(يمكن أنساه وأفوق)

وإن ما نبت بأطراف صوتي شكاويحاولت أسافر غيم وأعوّد بروق

وش عاد لو كثرت علي البلاوي؟؟لاصار مالي بالغلا عندك حقوق

واللي نشد (وش فيه ناحل وذاوي؟)مافيني إلا أني بعض طين وعروق

وأنا نعم ( للحين) شاعر هواويإن ظقت وإلا إن رقت جيتك بطاروق

وأموت إلى من شفت مشي الحياويرجلٍ تهجّا الدرب وعيونٍ تموق

وأحب نظرات..العديم..النداويلين ألتفت يقراك من فوق إلى فوق

وأذوب في دمعة عيون الخلاويوالحب له في جبهة عروقي حروق

حبيبتي ماني حزين وشقاويلكن غدت ضحكاتي لفمي عقوق

حبيبتي والشوق ماله عراويولا لطير العشق برقع ولا سبوق

حبيبتي وإن شفتي الحزن خاويفأنا خنقني البعد والبعد مخنوق

حبيبتي ماعاد فيها هقاويبيّن بياض الياس والصبر مشقوق

وإلا الهبايب لو تحنّ الخطاويماكان أبد عاشق نسا وصل معشوق

عن القصيدة

«نوايا العطر» من شعر عبدالمحسن بن سعيد، وتقع في ١٥ بيتًا. وهي بالعامية، ورويّها حرف القاف، وغرضها الغزل.

التعليقات(٠)

سجّل الدخول لإضافة تعليق.