شموع العشق

اضغط على أي بيت لعرض معانيه وشرحه

تراودني شموع العشق ..وتعزمني على الماضي ..!!

وهو ماضي ..!!تقول الله ياااا صبرك

وقلبك أخضر وزاهرو نُوّار الليالي البيض

قمرها ما نسى العاشق ..أيا عاشق ..

كبرت .. وكذبك الصادق ..أحاسيسك ..!

كذا الشاعر ..متاهات .. وزوايا .. وودقّ..

تحس الفرق ..بْعشق الناس من عشقي ...

أكيد الفرق ..زوايا المد ما تخفى عليك .. وللشموع اْعيون

أيا عاشق ..أعرف أنك تمد الشوق من تحت الرّدى .. وَطِيّر..!!

واْعرف أنك تْصَحي النجم فْغيابي ...ومن تكثر .. تَضَوّيني ..

كذا العاشق .. ضماه اْغياب ..يْلوّح بالنظر مرتاب ..

قوافل .. شوق تُومِيله ..وأنا شمعك .. نجومك .. لين ما تشبع .. يقين ..

وغمض أعيونك ..وناديني .. تلاقيني ... تلاقيني .

ــــــــأنا ..

ما قلت :- ما قلت لك يا شمع ...هداني الصمت .. لحضان اليقين ...

ومد لي صبري ..هداني للكهوف ...

وخلوت الإيمان .. والمسرى ..تْحيّد .. النهر ..

النهر .. لي في داخلي ..طميه .تصدع لين ما أصبح .. فجاج.. !

وكل بساتينه... ضوت غبرى ..!!بوارح .. صيف...

أيمم .. للبياض اللي يناديني ..من دْموعك ..

أنا طوعك ..أخذت اْبدمعك الغالي .. من أيدينه .

وأنا مالي ..شتاتي ..

تم ما بين الدْين .. وَدْموعك !!أيا مسراي .. وهو فِـ يدي .!!

وَبَرّدكْ .. والشتا .نافرّ.!!فقدت خطاي .. لا سافر ..

وْنَوّار اللقاء .. ساهر ..على ذكراي ..

فقدت خطاي ..دموع العشق ما ترحم ..

تْصَحي الصيف من جمرة ..!!وله عذره ...

يذكرني ليالي الذنب ..في شمعي ... وأنا حاير

عن القصيدة

«شموع العشق» من شعر صالح السنيدي، وتقع في ٢٨ بيتًا. وهي بالعامية، وغرضها الغزل.

التعليقات(٠)

سجّل الدخول لإضافة تعليق.