ذرب القصيد

اضغط على أي بيت لعرض معانيه وشرحه

أحب ذرب القصيد وعشقي عدادهلا هبت رياح طيبّه هز وجداني

سعادتي شارد المعنى وطرادهوالصعب دور علي وفيه تلقاني

ماليب الادنى ولا اللي ناقص أرادهطبيعتي من طبايع عالي الشاني

لي فكرتن تقنص الشارد وتصطادهاللي يشد الرجال أطوال الايماني

اليا طرالي طرد عن جفني أرقادهوأفز من فرحتي لو كنت سهراني

هو فرحت القلب شوقه عيد ميلادهسعادتي راحتي روحي وريحاني

حتى القلم لجل عينه يرخص أمدادهوأنا علي أنظمه ..لؤلؤ ومرجاني

في جيّد مزيونتن ماهيب نشادهمأحسبت شرهت القاصي ولا الداني

تشفي جروح العليل وتنعش فؤادهوتفرج أهموم ملهوف وحيراني

هيفاء تخلي العنيد يضيع أعنادهويطيعها مرغم ومجبور وحيراني

مأهيب نجوى ولا هيب أختها غادهترى أمها فكرتي والوالد اللساني

لو شافها مجاهد ..يعذر من أجهادهلو كان شيخ تعدى عقده الثاني

لو كان في مسجده ينسى تشهادهويرتد من ملت المسلم للنصراني

معشوقها لا طلع للمجد ماكادهشيخ له ..أطيب و النوماس عنواني

يفداه من يمتلك مال ولا ..فادهلا فاد نفسه ولا جاره ولا العاني

لاشك خذها عداك الوقت وأنكادههدية إنسان مأيبغا بها أثماني

جاتك تحلى بجزل الشعر وجدادهخواطر ..جزلتن ذربات وسماني

ياشعر لاجيت مرفوع ألنسب نادهقله يابو مرحبا جيناك ضيفاني

ومليت من شيل موضوعي وردادهورحت ورجعت ومعي قيثارت الحاني

وسافرت واللي مسافر حان معوادهوعافتني اللي قبل كانت تمناني

هيفا لك شعورها وأحساسها قادهطيب(ن) جذب فكرتي يا طير حوراني

والشعر من فرحته في قمت أعيادهمن فرحته بالخبر يضحك ونشواني

من يوم صار اتجاهه صوب روادهقام أيتسابق مثل خيل بميداني

أصيلها يبغي اللي لاكتب جادهفنان مايعشق الا كف فناني

لاسل سيف الوفى مأرد لغمادهوعمر الزمن مايطول والبشر فأني

تفداك يامن خويك قصدك أسعادهعندك معزت خويك شأنها شاني

الحرف لرضاك يخضع لآمر جلادهلو أمتلت فكرت التاريخ نسياني

وأنا أسفط المفرده وحطها وسادهوان كانها بنت ابوها الشيخ تعصاني

تطيعني طاعت المملوك لاسيادهوأملك عليها حكم خاتم سليماني

قصدي اليا جاك شعري تفهم أبعادهواليا فهمت ترى مانيب خسراني

مايخسر اللي تجي يا خالد أسنادهوترى الخطاء مايجنب صفحة الجاني

والحر مثلك أيدقق وقت ميعادهماهوب يخلف مواعيده وينساني

وأسلم وأنا خابرا ماهي لكم عادهدام الوفى بالوعد منشاه حمراني

وأختامها جاتك الافكار منقادهوالمعذره كان فيها صار نقصاني

وأقبل تحيات صدق سكر زيادهفي خد مزيونة(ن) وردي الاوجاني

يفرش لها من شيمنا الفين سجادهمنسوجتن من شيم غامد وقحطاني

عن القصيدة

«ذرب القصيد» من شعر محمد بن جزاء الخنفري، وتقع في ٣٦ بيتًا. وهي بالعامية، ورويّها حرف النون، وغرضها الغزل.

التعليقات(٠)

سجّل الدخول لإضافة تعليق.