(غني الاوأدم ما تكفل أبمفلسها)

أهنيك ياللي خالين من الهواجيس — ولو جاتله ياخذله شوي ثم يسها

وأنا هاجسي بالقلب يفتح منافيسه — هواجيس خلق الله هجوسي تريسها

منامي..أبتعد عن عيوني مراميسه — ولا تتركه لين السهارى يخامسها

إلى راح ثلث الليل هبت مراميسه — وكدر صفاها تحسب انه يونسها

يفصل علي أقماش الأيام ويقيسه — لو أني مابيها قال ملزوم أتلبسها

زماني علي يفرض أسلوبه وتدريسه — أدروس صعبه مأحد قبل درسها

لكن البناء معروف يرجع لتأسيسه — والأثمار يأتي طلعها من مغارسها

وطريق الحياة متعبتني تضاريسه — وقد تعبت قبلي الرجال أتعايسها

تطوع عنيدآ ساكنن رأسه إبليسه — ولو كان يخضع له فطاحل فوارسها

وترا الوقت له عادات جيله وفريسه — أصول تعلق بين غبراء وداحسها

لكني بفك الباب وأطلق محابيسه — شوارد خيال شيبت رأس حابسها

بلاشي يعكر صفو جوي أبتكديسه — عنيدات ويعكر مزاج تكدسها

يولع لهب ضّوه ويحرق محاميسه — بغيت أتصبر و أحرقتني محامسها

وأنا جاهل فالحرب معرف متاريسه — ومن قبلها كان أشعل الحرب ودبسها

لكن ألتعيس أتصير حظه له تعيسه — ويصير أقشر، اللي يسكن الأرض وأتعسها

وأنا اللي هواي الجزل لـقـأله أبخيسه — لكن البلاء لـقاّلها غير باخسها

أقولها وخلق الله كلآ على كيسه — وغني الاوأدم ما تكفل أبمفلسها

ومن فلسه ربـه ، عليم أبتفليسه — ما دامه سليم كل شغله يمارسها

وأنا ما أشغلني كون كثرة كوابيسه — مكائن أفكاري متعبتني مكابسها

أيلا من خلا البال غمض أبتنعيسه — حرام على عيني منامي ، أيلامسها

خلق لي ضمير مايدأني حواسيسه — خلق لي مشاعر تتعب اللي يعايسها

من العالم اللي كاثرتن لـسـاليســه — رفيع المقام تضايقه في لسالسها

أيلا شفت لي دنفوس يتبع دنافيسه — لكن يا رفيع القدر جنب دنافسها

وخل الراهب المعتوه يسجد ألقسيسه — وعبادة الأوثان داخل كنايسها

ومن يعتقد ببليس خله مع إبليسه — وأهل الهمّز واللمّز تنقل بلآيسها

وعليك ابنزيهن عالياتن مجاليسه — ولا يتبــع الأنذال ولا يجالسها

يحب الطويل اللي تربه قرانيسه — على هامته عدم السجايا مقرنسها

على طاعة الله جل شانه وتقديسه — وحفظ العقيدة من خبيث(ن)،يدنسها

يعانق بها التاريخ يبحث قواميسه — على شان في عمق ألكرامه ، يسيسها

يركز على فكره وجهده وتكريسه — تخير من أثياب الحقيقه ويلبسها

إلى منها استوت ثم لـونت لي قراطيسه — لزوم أتقدم ثم أخامس مهندسها