مستحي ( رباعيات مصر المحروسة )

اضغط على أي بيت لعرض معانيه وشرحه

مستحيل( رباعيات مصر المحروسة )

مستحيل ان الظلام ع. الكون يطولمستحيل الشمس تفضل في الأفول

مستحيل الحلم لخضر يهدمه واحد عميلجاي يدمر ، جاي يفجر نفسه في الحلم الجميل .

***شعب واحد ، رب واحدْ ، دا شعارنا من زمان

كلنا أهل و حبايب ، كلنا صحبه و جيرانالكنيسه لما تُصرخْ ،يرتفع صوت الأذان .

عمر ما الشيطان نزغنا ، لو غزانا ألف غول***

اسألوا التاريخ يجاوب عننا عيسى و صلاحكان صلاح الدين قائدنا و عيسى جنبه في الكفاح

كان مسيحي جنب مسلم ع. العدو رافعين سلاححرروا القدس الشريفه من عدو فيها يصول

***اوعوا تنسوا يوم عبورنا ، يوم ما حررنا البلاد

مين رفع راية بلدنا ، غير "علي" و جنبيه "مراد "كان يموت مسلم ، مسيحي ،، ربهم رب العباد

و الوطن ساكن قلوبهم ، خلدوه أهرام و نيل***

مرت الأيام علينا و مصر عاليه في السماشعبها صاين ترابها , ومين سواه يحمي الحمى

الهلال ويا الصليب من غير جدال أو إنماشعب يظهر في الشدايد معدنه الحر الأصيل

***و اما جه واحد يناير ، جه خسيس مدسوس لنا

مستحيل كان من جدورنا ، أو دماه من دمّناصب حقده في الكنيسه ، عشان يفرق شملنا

كان مؤامره ، واضحه ظاهره ، خطها واطي و ذليل***

انما الشعب اللي شاهد ، فاق من الصدمه بسرعهو اجتمع قلبين في واحد ، قلب وليم ، قلب جمعه

و الكنايس و المساجد ،ولعت في الضلمه شمعهنورها كان للرب ساجد ، يمحي ضلمة ليل طويل

***هيَ دي مصر الأصيلة ، في الشدايد إيد في إيد

هيَ دي مصر الرجوله ، عزمها يفل الحديدعمر ما الإرهاب منعها ، عن طريقها للخلود

فابتعد يا شر عنها ، مش هتقدر ، مستحيل

عن القصيدة

«مستحي ( رباعيات مصر المحروسة )» من شعر جمال مرسي، وتقع في ٢١ بيتًا. وهي بالعامية، ورويّها حرف اللام، وهي قصيدة وطنية.

التعليقات(٠)

سجّل الدخول لإضافة تعليق.