درب الاقدار

اضغط على أي بيت لعرض معانيه وشرحه

فِي دَربْ الاَقْدَارْ صَادَفْنِي وُرُودْ اَرْبَعْوكُلّْ وَردةْ شَذَاهَا يِسْحَرْ الوَاحِدْ

جَمَالِهنْ في رَبيعْ العُمرْ يِتوَزَّعْخَذُوا فُؤَادِي بِنَظرَةْ تِأْسَرْ الوَاحِدْ

يِتْمَخطَرينْ فِي دَلَالْ غِزْلَانْ تِدَّلَّعْقَلبِي تِوَزَّعْ عَلَيهنْ والهَوَى وَاحِدْ

حَبِّيتِهِنْ كُلِّهنْ وَاحتَرتْ فِي الأَربَعْوالحُبّْ مِثلْ القَدَرْ مَا يِسْأَلْ الوَاحِدْ

اِحتَرتْ! قَالُوا لِي: البَيضَا هِي الأَرْوَعْلَونْ النَّقَا مَا تِحَيَّرْ حَوْلَهَا وَاحِدْ

فِيها مِنْ الُّلطفْ مَا يِشفِي ومَا يِنْفَعْتِذُوبْ ذَوبَ النَّدَى فِي جَنَّةِ الوَاحِدْ

والثَّانِيةْ: مِثلْ ضَوءْ الصُّبحْ حِينْ يِطْلَعْسَمْرَا بِلَونْ الحَيَاهْ مَا مِثْلَهَا وَاحِدْ

إِنْ ضَمَّها القَلَبْ لَا يِشبَعْ وَلا يِقْنَعْهَيْمَانْ مَا يِشْغَلِهْ عَنْهَا وَلا وَاحِدْ

والثَّالِثَةْ: سِرَّها لِلعَاشِقِينْ مَرْجَعْوفِي جَمِيعْ العُيُونْ سُلْطَانَهَا وَاحِدْ

لَوْ شَافَهَا الحُسنْ فِيْ مِحْرَابِهَا يَسْجَعْيَخْفِضْ جَنَاحْ الهَوَى وِيْسَبِّحْ الوَاحِدْ

والشَّوقْ لِلرَّابِعَةْ فِي القَلبْ يِتْرَبَّعْتِسْكُنْ وتِلْعَبْ وَلَا تِقْسَى عَلَى وَاحِدْ

شَقِيْقَةْ الفُلِّ مَا أَحْلَى وَمَا أَرْوَعْإِذا تِفَتَّحْ سَنَاهَا يِهْبِلْ الوَاحِدْ

هَلْ أَنْتَقِيْ وَاحِدَةْ وَالَّا اَقْطُفْ الأَرْبَعْ؟وَامَتِّعْ النَّفْسْ فِي مِشْوَارِهَا الوَاحِدْ

نَادَيْتْ يَا نَاسْ؛ مَنْ يِفْتِيْ ومَنْ يِسْمَعْ؟قَالُوا: اَسْأَلْ القَلْبْ لَا تِسْأَلْ سِوَاهْ وَاحِدْ

إِنْ تَاهَتْ العَيْنْ نَبْضَ القَلْبْ مَا يِخْدَعْوَالقَلْبْ فِي العُمْر مَا يِعْشَقْ سِوَى وَاحِدْ

اِخْتَرْتَهَا وَاحِدَةْ فِيْهَا النِّسَاءْ أَجْمَعْوَالحُبّْ لَا قَدْ أَمَرْ؛ مَا حِيْلَةْ الوَاحِدْ؟!

وَاَصْبَحْ شُهُودِي عَلَى حُبِّيْ لَهَا أَرْبَعْالوَردْ، وَالَّليلْ، وَالإِخْلَاصْ، وَالْوَاحِدْ

عن القصيدة

«درب الاقدار» من شعر إبراهيم أبو طالب، وتقع في ١٧ بيتًا. وهي بالعامية، ورويّها حرف الدال، وغرضها الغزل.

التعليقات(٠)

سجّل الدخول لإضافة تعليق.