كردان عزيزة
الشاعر: إكرامي قورة · البحر: المجتث
«كردان عزيزة» من شعر إكرامي قورة، وتقع في 40 بيتًا. نُظمت على بحر المجتث، ورويّها حرف الراء.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
وخربتها — ورفضت تقعد يا عنيد على تلّها
علشان باعوه ف الخصخصة !! — خلبوص كبير
بتموت ف شغل الخلبصة — علمتنا إن السعادة ... خصخصة !!
شقق الشباب .. — فرص العمل ..
كل الأمل ف الخصخصة — حتى الرغيف حجمه يزيد لو يتعجن بالـ خصخصة !
ونزلت هاتك خضخضة ! — زى القضا !!
ألغيت قطاع "العمعمة" — والشعب فى لحظة اتعمى
فرميت بزاد أهل البلد ما بين سباع الخصخصة — والعين تشوف ..
من فوق كراسى العجز فى قهوة " باعوها " — الشعب نازل ... مصمصة !!
ثورة جديدة تخّنت ف رقاب بتوع أهل النصيب — أما بتوع أهل المصايب
فالرقاب فيها اتحنت من طول ما وِقْفت — فى طابور العيش عشان تاخد رغيف !!
ربّك لطيف — لكنّها ثورة ورقّت لفظ " أفندى " فى "عمر"
وصبح " عمر باشا الكبير " — "صيدناوى" خد "باتا وقال:
يمكن نلاقى ف "بورسعيد" — جذمة عشان ابن الفقير !
لكنْ مع كل الأسف المنطقة الحرة اتلغت — من تحت وطأة الاهتبال !
صبح الجنيه تلتين ريال ! — أما الدولار !!
سبحانه بنجومه الكتار !! — فارد على كل الخلايق سطوته
واللى يخالف يتحرق — هرب الجنيه م النار لبحر التيه " يعوم "
لكنْ غرق — وسيادنا فى المجلس يقولوا : عزيزة عايشة الازدهار !
وكمان يقولوا إن اقتصادنا منتعش ! — وقف الجنيه فى البرد تكتك وارتعش
عرضت بطونها عشان ما يدفا ألف نعش !! — والبنك باشا المركزى فى الضلمة نايم بيحتضر
من يوم مازاغ أهل القروض ! — وقعد على أعلى الكراسى مين يجيد فن القعود !
وإما يقوم واحد يقول حبة كلام فيهم أصول — تنشق أرض المستحى "سيد قراره"
عن سى غول — يهتف بصوت مليان قبول !
( العضو كان قصده يقول ) ! — ينزل على صاحب الكلام سيف المثول
يقطع لسانه حتيتين — حتة عشان يفضل مكانه دورتين
والتانية لجل إن المبلّة نزيدها طين !! — أما الغلابة الطيبيـــــــن !!
دايرين ف ساقية عجزهم — والتور بيرفض إنه يخلع عن عنيه ضلمة غماه ..
عشان يشوف على فين هتاخده سكته ! — راضى بنصيبه وسكتته
علشان قوانين " الطوارق" !! — طوّلوها كام سنة !
الشعب بيصهين — وعارف إنهم بيرخصوه
وإن جه عليه الدور ف مرة وخصخصوه — أو حتى يا صاحبى خصوه !
الشعب راضى بكسرته — حتى ولو دبحوا كرامته بموس تِلم
الشعب ينطق فى صمود — ( مين خاف سِلم )
الجبن عشش فى القلوب — وفرد خيوطه ع الخريطة كلها
الناس دى راضية مهما يجرى بذلّها — من عهد خوفو ياعنيد
كردان عزيزة بيتسرق ! — والوقت أصحاب المسيرة بيسرقوا
من فوق جبين الفقر حبات العرق !! — دى المشكلة ..
يا اللى انت جيت وخربتها — دى المشكلة ..
ومنايا أعرف حلّها — !!
البحر والقافية
القصيدة على بحر المجتث. بحر قصير قليل الاستعمال، سُمّي مجتثًّا لاجتثاث أجزائه (اقتطاعها).
تفعيلاته: مستفعِ لن فاعلاتن.
القافية: رويّها حرف الراء — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الرغيف: الرَّغِيفُ : الكتلةُ من العجين. -: ما رُقِّق وخُبِزَ منه ج أرْغِفَةٌ ورُغُفٌ ورُغْفَانٌ.
- بزاد: زأد: زأَده يزْأَدُه زَأْداً وزَأَداً وزُؤْداً؛ مُخَفَّفٌ؛ عَنِ اللِّحْيَانِيِّ، وزُؤُوداً أَي أَفزعه، وَقِيلَ: اسْتَخَفَّهُ. الْكِسَائِيُّ: زُئِدَ الرجلُ زُؤْداً فَهُوَ مزْؤُود أَي مَذْعُورٌ إِذا فَزِعَ. وَفِي الْحَدِيثِ …
- تشوف: تَشَوَّفَ يَتَشَوَّفُ تَشَوُّفاً : - إلى الأَمرِ: تطلّع إليه؛ تَشَوَّفَ إلى رؤية المسرحية. - من المرتفع: أَشرف ونظر. - الشيءُ: ارتفع.
- تقعد: تَقَعّـدَ يَتَقَعَّدُ تقَعُّداً :- ــه عن الأمر: عاقه عنه وحبسه؛ تقعّده المرضُ عن التفوّق على أقرانه.- ـــه: قام بأمره؛ تقعّد أمور النادي.- عن الأمر: أهمله ولم يهتمّ به، أي تقاعد عنه؛ تقعدَّ عن متابعة بحوثه.
- حجمه: حجم: الإِحْجامُ: ضدُّ الإِقْدام. أَحْجَمَ عَنِ الأَمر: كَفَّ أَو نَكَصَ هَيْبةً. وَفِي الْحَدِيثِ: أَن رَسُولَ اللَّهِ، ﷺ، أَخذَ سَيْفاً يَوْمَ أُحُدٍ فَقَالَ: مَنْ يأْخذ هَذَا السَّيْفَ بحَقِّه؟ فأَحْجَم الْقَوْمُ أَي ن …