مو جيتك

اضغط على أي بيت لعرض معانيه وشرحه

مو جيتك اعرفك واعرف شبيكاثر جف علظهرك ضدي مدفوع

بعد مشروع قتلي قيد الانجازواهنيك اغتيالي خوش مشروع

انه السويت ظهري وياك بستانوالف خنجر لهسه بظهري مزروع

طبع دله انا طبعي وانت فنجانعلي تركص وانا منزلك ادموع

غبت عني واتاني وصارلي اسنينويسألوني واكلهم غايب اسبوع

وتعال وشوفني خلافك يمحبوبصرت موضوع للجانولي موضوع

اذا طيفك يمرني بوحشة الليلاشم ريحة حرك مابين الضلوع

خمس اسنين ادور بين الوجوهمثل ام وكلبها بخمسه مفجوع

صرت يونس ولكن ما شفت حوتبكل ديرة الاطب تبلعني الفروع

كاطع بالفرح كاظم اسماعيلوانه كاظم حزن بس كلبي مكطوع

لكن ما امل والامل موجــــــودشما زاد الالم ما اصيح موجوع

صدكني الشمس لمن يجي الليلما تفتح حلكه كبال الشمــــــوع

من اطش بذرة كلامي بسطح الانهارعلى الجرفين ينبت صوت مسموع

وانه بطبعي احتقر شخصية الخيطرغم طوله ضعيف وكاتله الجوع

يمشي براي الابرة مغمض العينويبات امذله ابثوب مـــــــــدروع

خذاك شلون غيري واقتنع بيكواثر شفتي علخدك لسه مطبوع

عن القصيدة

«مو جيتك» من شعر كاظم إسماعيل الكاطع، وتقع في ١٦ بيتًا. وهي بالعامية، ورويّها حرف العين.

التعليقات(٠)

سجّل الدخول لإضافة تعليق.