كذبة تختم خرافه

اضغط على أي بيت لعرض معانيه وشرحه

خذ من شكسبير كذبة تختم اخرافهومن عند ابو سعود صدق لكامل اطرافي

فطرت لك قلب ودك تعرف اشفافهتستسقي اسرار تنتج لك عن شفافي

يا صابر الصمت لو كبد القهر لافهلف المواقيف لا يشمت بك الافي

لو خفف الضيق من شرياني اوصافهدواته الدم لو تنفعني اوصافي

مير البلا طب ضيق المشتقي طافهما تشرق الشمس واسراج الفرح طافي

تبت يد الهم تب وتب من حافهتهت بتواليه تيهة من مشا حافي

وصل السهر هم يشكي منه ميلافهحبل المواصيل مسه شوق ميلافي

ليلي لو اغفاه لحظه ينضر خلافهبعيون الاشواق دايم ينظر خلافي

لا قلت له ليش قلبي ترفض انصافهيجفل على الصبح فيني يرفض انصافي

عذره لياليه من فرقاه خوافهتطرب ثوانيه للي يشكي الخافي

مرات اقول انت ياليل العنا سافهاقدح صوانيك وألبس فروة السافي

مقرود اناجيك كني كاهن اعرافهيكفر بي الهم وادرك ضيعة اعرافي

اقفي عن الضيق لكن داخل غلافهيطويني القيد وابقى داخل غلافي

من يفرش القاع يلقى ليله لحافهلا اقبل له البرد يفتح حضنه الدافي

من ضمة بحيل قامت ترجف اطرافهوانا احضن البرد لين افقد به اطرافي

عن القصيدة

«كذبة تختم خرافه» من شعر سلطان الجالي، وتقع في ١٥ بيتًا. وهي بالعامية، ورويّها حرف الفاء.

التعليقات(٠)

سجّل الدخول لإضافة تعليق.