عناوين جرانين المستقبل
اضغط على أي بيت لعرض معانيه وشرحه
احنا العمال اللى انقتلواقدام المصنع فى ابو زعبل
بنغنى للدنيا ونتلوعناوين جرانين المستقبل:
"وحدة صف الأحرار""جبهة لكل الثوار"
"عبور الجيش لسينا""الزحف من الأغوار"
"جيش العدوان يتقهقر""الأرض قايدة نار"
"والبحر قايد نار""الاستعمار أثبت فشله"
"البيت الأبيض لا يخجل""إحنا العمال اللى انقتلوا"
"قدام المصنع فى أبو زعبل"بنغنى للدنيا ونتلو
عناوين جرانين المستقبل:"محكمة للمجرمين"
"قائمة بالمتهمين""إدانة مستر نيكسون"
"بقتل الاسطى ياسين""القاتل استعمارى"
"القتلى وطنيين""عمال مدنيين"
"نصارى ومسلمين""مرتكبو المذبحة يعتقلوا"
"الحكم عى المتهم الأول"احنا العمال اللى انقتلوا
قدام المصنع فى ابو زعبلبنغنى للدنيا ونتلو
عناوين جرانين المستقبل:"الجو غدا يتحسن"
"معرض لزهور السوسن""الخطة الخمسية تنفذ"
"مهرجانات النصر غدا""تصفية الصهيونية"
"دولة فلسطين .. تعلن""دستور وقوانين .. تعلن"
"حرية الدين .. تعلن""قوس تذكارى جارى عمله"
"طالين منه احنا وح نفضل"احنا العمال اللى انقتلوا
قدام المصنع فى ابو زعبلبنغنى للدنيا ونتلو
عناوينجرانين
المستقبل
عن القصيدة
«عناوين جرانين المستقبل» من شعر صلاح جاهين، وتقع في ٢٤ بيتًا. وهي بالعامية، ورويّها حرف اللام.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.