دقة زار
اضغط على أي بيت لعرض معانيه وشرحه
بشوفك طيبه لسه.. وفيكي الخير...لسه بشوف عندك وفا.. رغم الجفا...
بشوفك طير..متكتف جناحاته...
متهدد بعمره الباقى فى حياته...عشان يفضل تملي اسير....
بشوفك لسه قلب كبير...لسه باقي فيكي ضمير...
بس السكه مسدوده...لسه بدق الزار يا محسوده و ابخرك....
يمكن يجيب فايده البخور....وتودعي ريحة السنين السوده.....
وتحل فيكي بعدها ريحة الزهور....كل اللي قادر أملكه ليكي الدوعا....
وارقيكي من عين اللي عيزينك ماخور....وامسح جبينك من عرق الكسوف....
واكره عينيه لو هتلمح جوا عينك اي خوف....رغم أن ضايع حقي فيكي.....
عشان شاريكي...دايما باجيبها في الظروف.....
راضي اني اشوف كل حاجه صعبه فيكي....راضي اني اعيش تحت رجلك وبين أيديكي....
بس رافض اني اشوفني مجرد خروف....فافتحي بابك شويه...
ولو لساعه كوني ليه....وارفعي الغٌما اللي بارك فوق عينيه....
يمكن اشوف.... و ازاي هشوف...؟؟!!أزاي هشوف فيكي الأمل وعنيكي كارها النور....
وازرع بأيدي ازاي شجر في أرض صبحت بور.....كلمة بحبك اللي ياما قولتها و شهدت بيها....
خايف في يوم ما احسهاش أو يجبرني اندم عليها....كل المشاعر القديمه والجديده صدقيني..ماليش يد فيها...
فى كل الحروب اللي دارت فوق ميدانكما كنتش طرف....
كل اللي جرحك كل اللي مدحك كل اللي دانك...ليهم هدف...
كلهم كسرو اللي فاضل من بيبانك....وبيسرقو الضحكه السلف...
إلا أنا..................انا مختلف....عمري ما كنت ف يوم معاهم مؤتلف...
عمري ما خونتك..ولا عمري هنتك..ولا عن صراطك بنحرف....يمكن ساعات كتير ظلمتك؟؟ انا معترف....
بس انتي يعني هتاخدي ايه من حد عشان يسد جوع عياله بيستلف....أنا بعترف..بس برضو انتي ياما كنتي ظالمه...
تعبت فيكي كتير واديتك عرق..وياريت ف يوم حتى اديتيني اجر عالمه....ياما شوفت النور طالع م الجناين والقصور وبيتي ضلمه...
تبقى ظالمه....ياما وجع الجوع ما رحمش اللي فاضل م الضلوع.....
ولساني ساكت ما نطقش كلمه....تبقى ظالمه......
يا مبتليه بالوبا وحالك صعب من حالي...احكي لي ازاي ايامك قالبه على ليالي...
يا هل ترى ده كسوف ولا اللي حاصل خسف....ولا العجاف السبعه أصبح عددهم الف..
كل اللى سارقينك كروشهم من فلوسك ورمت...وجنابي من سم تجارتهم برضو وارمه....
وعشان تعيشي رافعه راسك حاطت في بوقي الف صارمه.....يبقى اما تطلع صارخه مني غصب عني بلاش تحسيبيها عليه تهمه....
مانا مش حجر... انا مش حجر....ومش نتيجة لحظة غلط عشان ترميني للقدر....
أنا ابنك اللي حملتي فيه في عام الموت....وحطتيه في اليم من غير تابوت...
أنا اللي لما خوفتي عليه سيبتيه...عشان يربوه الغجر....
أنا ابنك المحكوم عليه أن تعبه يروح هدر....ماليش أراده في كل اللي دار ولا ليا في ترتيب الأمور....
بس خايف يجي يوم ويبنو بينا الف سور....ويجبروني اشهد عليكي غصب عني.. شهادة زور....
عن القصيدة
«دقة زار» من شعر أبي حجاج، وتقع في ٣٤ بيتًا. وهي بالعامية، ورويّها حرف الفاء.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.