من العايدين
اضغط على أي بيت لعرض معانيه وشرحه
أسألك يامولاي ماغيرك أسليامنزل كتابك على خير الرسل
يسر يارب ولاتعسر مانويتمما طرالي كن في صدري نحل
الشعر فز ورز الأعلام وحضروهلل وكبر معي قبل أول هلل
كنه مخيلٍ قام يدفع له مخيلخيّل سحابه في ربابه وإستهل
إنهل وبله وإنقشع عنه العجاجعنه الطيور مجوحره حتى يزل
نوٍّ تضيق الأوديه من صب ماهاليا إلتوى الوادي مشى سيله قل
قال الرياحي من كلامٍ له عظامفي محتفل ربعه ونعم المحتفل
سلام ياروس الرجال أبناء الرجالياللي لكم فالقلب تقدير ومحل
سلام ومن العايدين الفائزينأعمكم بالتهنيئه حتى الطفل
عيدٍ علينا بالسعد دائم يعودوالفضل للي مالحد غيره فضل
ونرفع تهانينا لبو متعب شمامالحاكم العدل أبيض الوجه البطل
وسلطان أبو خالد عسى عمره طويلالله يحفظه أين ماحل ورحل
وأثن التحيه لك ياكساب الجميلياشيخنا اللي مانبا غيرك بدل
إسم العليمي فوق روس القوم تاجقد قلتها وأقولها مرار ودبل
يابو محمد لك مكان ولك مقامأكبر من المريخ وأبعد من زحل
كل القبيله معك ياسمح الجنابوالدرب واحد ماتفرقت السبل
واللي يخالف رأيك أعطه كلمتيننصيحةٍ تشفى بها كل العلل
إن طاع ولا لاتعرضه اليدين قلهيابو غادي عسى دربك سهل
حتى الرسول اللهم أصلي عليهماطاوعوه أبو لهب وأبو جهل
خلك كما سيفٍ معلق للجميعواللي زعل يرجع ليا باح الزعل
إبن أمه من الناس مايخطم عليكإفرض سمين الرأي وإهدر ياجمل
وأنته يانايف أنت وإخوانك جميعأنتم فرع والفرع من ذاك الأصل
الله يخليكم لنا يالغانمينيالطيبين أنتم رجانا والأمل
أنا ليامني هرجت أهرج صحيحماهوب هرجٍ ماوراه إلا الفشل
ماني مجامل لابعيد ولاقريبأعط الرجال حقوقها وأمشي عدل
عذروبي إني ماتعلمت النفاقولاأجامل ولاأحتال حيلات الثعل
أقول وأطول وكلامي من ذهبومواقفي تشهد بلا ريب وخجل
سجل ياتاريخ ولاهوب أول وقوفوقفاتنا هزت قبائل مع دول
واللي ماشاف الشمس رابعة النهارأ ما عمى ولا على قلبه قفل
واللي برأسه من علوم الطيب طيبماهوب مجبور يتدسس ويختل
يمشي على وضح النقا مشي الحصانويبشر بعزه في رخا ولا نكل
وترى الثقه بالنفس كنز من الكنوزمثل القناعه واردٍ فيها مثل
حتى يعيش الرجل في وضعٍ يليقولايهمه من رقا ومن نزل
هذا الكلام اللي على الشارب جمدمنطق عقل يقنع به اللي له عقل
ياطامي إبن هديف لك حق عليوأنا مقصر وأعترف لك بالبخل
لكن عذري منك بيتينٍ تدومكما يدوم النقش في صخر الجبل
يمناك خطلا بالكرم في كل بابعلى مايرضي ربنا عز وجل
الكف يبذل والطبائع طيباتوالقلب مثل الشاش والخاطر سهل
خدمت ربعك خمسه وخمسين عامولازلت جعل الله يمهّل فالأجل
مواقفك يشهد لها حتى البعيدوسمعتك عطر من الخزامى والنفل
وأرجو السموحه منك في بعض القصورقلت إلك أنا جيت أعترف لك بالبخل
كرمك يادكتور خلاني كريمواللي مايذكر طيب إبن عمه خبل
قلته وربعي كلهم عندي سوىحتى ولو أخطو خطاياهم عسل
إن كانهم حساد أنا ماني حسودأرضى لهم مارضى لنفسي وأحتمل
وإن جاتني من صوب إبن عمي وأخويعوجاء ولال أحدٍ بها غيري دخل
أحفر لها قبرٍ ماتنبشه السباعوادعي لهم بالخير وأنسى ما حصل
أشري رضاهم لو يكلفني كثيرحيث إنهم ربعي وناسي والأهل
ولا العدو ماني بماشي في رضاهوالله لو ينبت على رأسه نخل
كاني ماضر الخصم وأعز الرفيقياويش عذري من عتيق ومن مهل
ولاني بعباد الوجيه ولانويتأخفض مقام شيوخ وأقدر نذل
والكذب ماله معي حظ ولا نصيبللي يعمر به عمارات وفلل
والله مايبقى من العلوم إلا الصحيحوبعض العلوم تروح مرواح الهمل
والكذب خيبه ياصناديد الرجالحبله قصير ولاحدٍ به قد وصل
ياجاهلٍ طبع المنافق والكذوبوجه المنافق كل يومٍ له شكل
يالله عسى مابيننا وجهٍ كريهوإبليس ماله بيننا ماطا رجل
ألاد مريح كلهم متكاتفينويمناً تفرقهم عساها بالشلل
حنا السعد حنا الوعد حنا الرعدحنا إسمنا على مواقفنا يدل
إسم الرياحي من عواصيف الرياحإعصار زلزال البحور اليا إكتمل
اللي يعادينا نوريه العذابوصديقنا نفرش له الميدان زل
حنا البقيه من عرب بني هلالللعز والتاريخ والأمجاد أهل
مابه غريب ليا طلعنا فوق فوقلكن غريب نطاوع الرأي الهزل
وأقول من باب المحبه للجميعتعاونو في كل شيء إلا الجهل
يالابتي يالابتي لاتجهلونترى الجهل باب الخطايا والزلل
من يسمع الجاهل ويمشي في رضاههذا على ماقيل في عقله خلل
أما سرابه في غطاليس الظلاممنجوم ليل وكل شيءٍ محتمل
ولا فعل به مثل مايفعل إبليسوليا تورط قال له مالي شغل
تذكروا قول الحكيم إبن سليمياكيف تطلع عقب تنشب فالوحل
العقل والحكمه مفاتيح النجاحترى النجاح بلا عقل مافيه أمل
هذا بعض مافالضمير من العلومواللي بقا نعطيه رعيان الإبل
يالله لعل العيد بالفرحه يعودلكم وللساني وللشعر الجزل
والله على الطاعه يجمع شملكمأبرك مايسعدنا تجماع الشمل
وختامها مني تحيات وصلاهعلى الشفيع المصطفى خير الرسل
عن القصيدة
«من العايدين» من شعر فيصل بن منصور الرياحي، وتقع في ٧٢ بيتًا. وهي بالعامية، ورويّها حرف اللام.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.