اخويي

اضغط على أي بيت لعرض معانيه وشرحه

ياخويي جعل رحلتك مامونهوش عطتك أم العنا من تجاربها

والله إني معك والنفس مفتونهفتنةٍ مانته بعارف سبايبها

دك في صدري هواجيس مجنونهياوجودي يـــــوم هبت هبايبها

مير خل الجيب يمشي على هونهأتـــــفـــــرج فالديــــار ومضاربها

زين بعد العصر لفة دركسونهللديار اللي وســـــــاعٍ مناكبها

والمسا فــــــي جــــــال وادٍ تحبونهعلته غـــــر المزون بسحايبها

له سنه وأهل الدبش مايطبونهماتوطته النعيم بكوالبها

زاف عشبه والشجر مالت إغصونهتلعب طيوره وقلبي يلاعبها

خاطري مرتاح والنفس ممنونهماتعاتبني همومي وأعاتبها

أتسلى والمقادير مضمونهماكتب للروح لابـــــــد صايبها

ياخويي خـــــل الأشغال مركونهلاتذكر وش ظروفك وتحسبها

المشاغل تشغل الفكر وتخونهعاقبتني قبلك الله يعاقبها

ودنـــــــي رجـــــــمٍ تولعت بركونهمنوةٍ للقلب والعين يذهبها

شامخٍ هام أسود الريش من دونهوالذيابه فيه نلقى ملاعبها

ليا بديته هاجسي عد طبلونه !وحاضر الأبيات نـــــادا لغايبها

تزدحم في خافقٍ جاب مكنونهوالله مايمديني أكتــــب وأرتبها

أستهيض و تنطلق كل مسجونهويتوسع خاطري يوم أهيض بها

قمة المبدا من الجن مسكونه!وإنشد اللي ياخويي مجربها

عن القصيدة

«اخويي» من شعر فيصل بن منصور الرياحي، وتقع في ١٨ بيتًا. وهي بالعامية، ورويّها حرف الباء.

التعليقات(٠)

سجّل الدخول لإضافة تعليق.