الآماره

اضغط على أي بيت لعرض معانيه وشرحه

إسمحوا لي بأتكلم ، وبالصوت الشهيرعبر موجات الحقيقه ، وفي كل إتجاه

وإنشروها فالمجالس ، يصير اللي يصيرخصمها مغلوب وأرض الله أقرب من سماه

يامدور للأماره على النور القصيرالأمـــــــاره مركــــبٍ صعــــب ماكــــلٍ قـــــــواه

الأمـــــاره كيف وشـــــداد ولسانٍ شطيرومجلسٍ مفتوح من جا يدور له لقاه

والتواضع والسماحه وعقلٍ مستنيروإرتفاع النفس عن مرتع الظلم ورداه

أشهد إن (المشيخه) تفضح العقل الصغيروترفع اللي ربه أكمل له العقل وهداه

كم هبيلٍ جاب ختمٍ كبر خف البعيرحصله بالواسطه لو ماهو في مستواه

مظهره بالبشت والهيكله مظهر وزيــــروإن طلبته علم كنك تهرج لك حصاه

(الشيوخ) أصناف وإنشد عن الواقع خبيربعضهم يسوى ميه ، بعضهم ماله حياه

مشكلة كل القبايل مــــن النذل الحقيرلايجيب حقوق ربعه ولايكفي غثاه

من خدم ربعه بصدق ونقا هوالأميرجعل شيال الختوم الدعائيه فــــــداه

الموفق للرفاقه يشير ويستشيروالكلام اللي يقوله يصونه ويحماه

ويتواضع بينهم للصغير وللكبيركلهم عنده ســـــوى ماظلم هـــــذا لـــــذاه

وقفته في واجبه تجبر العظم الكسيرذمته بيضاء ولايختلف بنياً بنــــاه

الرجال يميزون الحكيم مـــــن الغريرالغرير يغر ربعه ، ماحد منهم يباه

جنبوا عنه وقعد فالخلا ماله شويرمثل طرقيْ لحاله ، مامعه إلا عصاه

خير مافالرجل صــــدق النوايا والضميروالغناه بطاعة الله ياطــــلاب الغناه

موقف الرجال يعرف غني ولا فقيرالغنى والله غنى العقل كان الله عطاه

والغنى بالمال يفنى ولافالمال خيرلوكنوزه تـــــازن طويق وجبال السراه

يالله أعصمنا عن الجهل وإجعلنا نسيرفي مواكب طاعة الله ونكره من عصاه

يركض الإنسان والموعد الشوط الاخيرمــــادرى كــــم يــــوم قدمه وكـــــم يـــــومٍ وراه

عن القصيدة

«الآماره» من شعر فيصل بن منصور الرياحي، وتقع في ٢١ بيتًا. وهي بالعامية، ورويّها حرف الألف، وغرضها الهجاء.

التعليقات(٠)

سجّل الدخول لإضافة تعليق.