اعشقك نجد

اضغط على أي بيت لعرض معانيه وشرحه

أشهد إن البل غلاها في فواديماغبطت أهــــل التجاره والزعامه

وأشهد إن البل حلال أهل الشداديماخلقها الله حلال أهل الرخامه

هي عمود المرجله علمٍ وكاديوهي كرامة من بغى باب الكرامه

زينها لاربعت والجــــو هـــــــاديفي مفيضٍ ربلته تركب ثمامه

والفحل يرجس على الجل العياديبينها شامخ مثل قصر اليمامه

عربوا ساسه مشاويم البواديزين من خفه ليا ذروة سنامه

قالوا أصحاب النظر ، ماله ملاديحضرة المليون مايسوى رثامه

البل البل ، حبها شربي وزاديمن عظام المال ، ماهي من حطامه

فــــي علو شعافها عـــــزٍ يناديللشموخ و للمعالي والفخامه

عــــزوة الظفران طلقين الأيـــــادييوم شور الحرب مفتولٍ زمامه

ليا تناخوا بالعزاوي والتناديدونها تقدح مشاهيب القرامه

ومن قصر في حق مقرعة التوادييلبس ثياب المذله والملامه

حقها ضرب القنا بين الثناديلين طامعها يـــــــدور للسلامه

في نهارٍ تنقلب شمسه سوادييذهل الرجال وتطيح العمامه

قلب راعيها مايطريه الشراديتنفطر كبده ولايرخي حزامه

خيال البل يوم سلات الهناديفي ضحى يومٍ مثل يوم القيامه

مثل بن جرشان لاركب الجواديأخو (نوضا) جعل فالجنه عظامه

ومسلط البعاج سقمٍ للمعاديعطر الله مرقده وأعلى مقامه

يوم صاب القوم خفه وإرتعادينومس العذراء وحبتها وسامه

ومثل قطنان الدهيمي فالطراديمرعب قلوب العدا ، مروي حسامه

ونعم فرسان القبايل بالعداديكــــــل شغمومٍ يشرفنا إحترامه

فاح صدري مثل فوح أم القناديهايمٍ في حب (ريمه) والنعامه)

ماعشقها اللي يشجع كل ناديولانظام اللي يحب البل نظامه

أه يامبداي فـــــي روس المباديفي طرف ذودٍ غطا العبله جهامه

فالديار اللي مفاليها جــــــدادينجد الأنجد لا الحجاز ولاتهامه

أعشقك يانجد يــــــادرة بـــــــلادييامكان العز والمجد ومقامه

ياسنام الأرض في حاضر وباديياديار الوجه الأبيض والوسامه

عن القصيدة

«اعشقك نجد» من شعر فيصل بن منصور الرياحي، وتقع في ٢٧ بيتًا. وهي بالعامية، ورويّها حرف الميم.

التعليقات(٠)

سجّل الدخول لإضافة تعليق.