المرجلة
اضغط على أي بيت لعرض معانيه وشرحه
سبحان محص الناس جيل بعد جيلوأرزاق خلقه بين خلقه قسمها
وأرسل لهم فالكتب قرآن وإنجيلوسيطر على كل الأمور وحكمها
ياللي تخيل الناس قلي وش إتخيلالناس مولاها يراقــــب ذممها
مانته معدلهم على الكيف تعديلخــــل العظام كسارها فــــي لحمها
ورفيقك اللي مايراعيك بالحيلجرب حقيقة رفقته مــــن عدمها
حده على بعض القصا والغرابيليبين لـــــك منها قفاها وفمها
إن كانها رفقة مجامل وتمثيلجرت بعيرٍ جاء الرشاش ودهمها
إعرف ترى مالك وراها محاصيلوأبرك لك إنك طالعٍ من غسمها
ولاتستمع في تاجر القال والقيلناسٍ تبيع ب(سوق قالوا)ذممها
حساد والحساد دايـــــــم مغاليلعين الحسد ماوفق الله سهمها
الحاسد النمام مقهور وخبيلعقرب وضم تلدغ وتزبن وضمها
وراقب ولي الكون بالصبح والليلاللي حصد روس الطغاه وصرمها
ترى الغرور أكبر مرض للرجاجيلليا حل بالنفس الشجيعه هزمها
لك موعظه في سورة العصر والفيلأصدق من الأبيات واللي نظمها
وإجلس مع ثقاة الرجال الحلاحيلجلسة حلاحيل الرجال إغتنمها
تلقى مجالسهم مـــــزوح وتعاليلوسوالف ماهيب يسمج طعمها
تاخذ بها حكمه وعرف ودواليلويبعد شقا روحك ويبرد نسمها
إرفع مقامك كنك الجدي وسهيلونـــــاس تبادلك إحترام إحترمها
المرجله تقسيم بين الرجاجيلماهي مطيه من شراها وسمها
هاذي مثايل شعر مثل القناديلتجلا ظــــلام القلب للي فهمها
من هيض هاجوسٍ تدفق كما السيلتجي لــــه الأبيات لــــو ماعزمها
عن القصيدة
«المرجلة» من شعر فيصل بن منصور الرياحي، وتقع في ٢١ بيتًا. وهي بالعامية، ورويّها حرف الميم.
وفي ميزان العرب: مكتبةٌ من أمهات كتب الأدب والأخبار والتراجم ← · أمثال العرب وقصصها ←
التعليقات(٠)
سجّل الدخول لإضافة تعليق.