روس ٍ تمسس في عمايمها ..!

اضغط على أي بيت لعرض معانيه وشرحه

الهاجس اللي يهز القلب ... عنيته.من ضيقةٍ زايمت قلبي ... وزايمها.

على دروب الصبر بالصبر وصيته.والروح بايمانها ...... قوة عزايمها.

ماني من اللي يصب المدح في بيته.لو كثرت احزان قلبي في عزايمها.

ناسٍ تتم المدح في واحدٍ صيته.مقرون بريال .... مقرون بندايمها.

بالعقل.! ناظرت بالماضي وناجيته.ولقيت الافعال..! سابحها وعايمها.

الفعل أبكم ماينطق كيف خطيته.والصم لو تسمعك ماني بلايمها.

بايع وشارِ المدح.! للناس سميته.والناس مابين مفطرها .. وصايمها.

شيخ الدراهم ترى بالشعر غزيته.مايرفعه صوت....! بلبها وهايمها.

مدحٍ على فعل معروفه نواحيته.والجيل هذا يرددها بولايمها.

ماله براهين ... مدحه لو توحيته.تلقى الخلل ... بين بايعها وسايمها.

وْصِيت البهايم تراني ما تناسيته.ممحوق صيتٍ يجيها من بهايمها.

امدح هل الفعل لو الشعر غنيته.وش لي بروسٍ تمسس في عمايمها.

نفسي عزيزه وقلب العز غذيته.بالطيب.! والروح تكفلها نسايمها.

مهما قسى الوقت مايسمع تمنيته.والناس تحصد.! مع الدنيا هزايمها.

اشوش للطيب ..! تفخربي عناتيته.وروح المراجل أقلّدها وسايمها.

دنياك حربٍ ومدحك له توابيته.كم واحدٍ غاب لاشبّت ضرايمها.

الوقت جاير وكثرت به طواغيته.وبعض البشر عندنا تسوى قوايمها.

الوقت هذا تشيّخ به سرابيته.والنفس من وصفهم ماني بْظايمها.

دنياي لو عِسرها كشّر .. توطيته.ببقى قوي ....! لو تعداني غنايمها.

عن القصيدة

«روس ٍ تمسس في عمايمها ..!» من شعر صالح بن عمار، وتقع في ١٩ بيتًا. وهي بالعامية، ورويّها حرف الميم.

التعليقات(٠)

سجّل الدخول لإضافة تعليق.