سن الغزال
الشاعر: عبد العلي فيلالي بالحاج · البحر: المتدارك
«سن الغزال» من شعر عبد العلي فيلالي بالحاج، وتقع في 40 بيتًا. نُظمت على بحر المتدارك، ورويّها حرف التاء.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
فكرتيني ا صا حبي — بذاك الأنا لي نسيت
فكرتيني بذاك الأنا لي رمى سنتو لعين الشمش — فكرتبني بذاك الأنا لي بغيت
قبل ما يسلك ليه الغش — فكرتيني...
بالحليب المحلوب من بزولة الأرض — والظلام بعيد والضو قريب
وبذاك الفخذ ..... — الوسادة لحنينة
ضو معصور من خد كاوريا... — جات تقلب فتقوب لبلاد
على خرايف شهرزاد — فبلاد حرودة والسندباد
تقلب على حزام لحبايبات — تقلب تحت ترا زات
من فاس لغريس لطنجة لورززات — درت خيط الضو فقلب عيني
وسافرت نقلب على ضحكة دلولا د — فراس الدرب وقاع الدرب
نسرق حديث جارة مع جارة — ونقلب على الفرق بين السيد ولمزارة
ولالاة هوارة مولات الدوارة — ساريني اصاحبي راني نسيت
ساريني سبع لويات وشوارة.... — وقنطرة بو روس
وبين لمدون بغيت نشوف عطارة — قلت ذاك النهار لعين الشمس...
هاك سنة لحمار وارا سنة لغزال — نهار طحت قالوا لي بزق تصيب ريال
بزقت لقيت ريال — دورت عيني فلماشي فين والماجي لين
لقيت عيون كتشوف والو — طلعت للراس ونزلت للرجلين
لقيت كلها جار خيالو — ومرا جارها ولدها.... النملة جارة الجملة
بقيت نحلم لقيت الليل طلع والحال صلح... وأنا نقول — "ألا أيها الليل البهيم ألا انجلي"
بذاك الضو لي خبيتي تحت الدوالي — فكرتيني اصاحبي بالركيبة لحنينة
وأنا حاط فوقها راسي — والشتا تاتاتا ....
ووليدات الحراتة.... — ولمعلم بوزكري....
وبويا حالف فيا.... — بالمعاصي على رجليا...
حيت ما درت حتى مزيا.... — غير لهدور صبح وعشيا...
نهار نظمت قصيدة حمر حتى حمر فيا — وقال ليا ...
شيخ بلا شيخ باطل شاخ — ما حسابلوش أنا هدار لمخاخ
ما حسابلوش أنا سلوم النور — لعالم شهرزاد المسحور
وقلت للشتا صبي صبي — يا نعمة من عند ربي.....
فكرتيني اصاحبي بالسقاقي بالما دلعيون — فكرتيني بعسالة وبعنون.....
صاحب الجنون — مالين لفراقش ولقرون...
وعين اللباطة فواد الزحون — فكرتيني بالبابونج وتافغة فباب الجوطية
فكرتيتي بريحة الحلبة فالعشابين — ونقايم النقايميا
والشابل فالحواتين... — فكرتيني برحة الزياق
وريحة لعرق الناشف والتطريبة — فكرتيني فولاد فاس ساعة لوجيبة
فشياط اسفنج ا لعباسية عند بن عمر — بقيت نهدر نهدرحتى قالوا شارب الما دالنفار
فكرتيني ففاس وشمن فاس — فاسي الزينة
فالزحام قلبت على فاسي — قلبت فلمدينة
حتى حد ما مفكر كلشي ناسي — فداك الزحام كبرت لي الغبينة
جاو ناس و مشاو ناسي — لقيت غــــير وجهي وراسـي
يا ربي للخير رد بينــــا
البحر والقافية
القصيدة على بحر المتدارك. آخر البحور، استدركه الأخفش على الخليل، ويُعرف أيضًا بالمحدَث والخبَب.
تفعيلاته: فاعلن فاعلن فاعلن فاعلن.
القافية: رويّها حرف التاء — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الفخذ: فخذ: الفَخِذُ: وَصْلُ مَا بَيْنَ السَّاقِ وَالْوَرِكِ، أُنثى، وَالْجَمْعُ أَفخاذ. قَالَ سِيبَوَيْهِ: لَمْ يُجَاوِزُوا بِهِ هَذَا الْبِنَاءَ، وَقِيلَ: فَخْذ وفِخْذ أَيضاً، بِكَسْرِ الْفَاءِ. وفُخِذَ فَخْذاً، فَهُوَ مَفْخُ …
- بالحليب: الحَلِيبُ : اللبن المحلوب.-: شراب التمر/ دم حليب، أي طريٌّ سقط جريحا وما زاد دمه حليبا.