ظلم الشبابيك

اضغط على أي بيت لعرض معانيه وشرحه

يا صبح قبل اقراك جيت آتهجاكواكتبك واكتبني معك وانكتب فيك

لعيون/ لا/ لقلوب ما تلحق اقصاكلقلوب/ لا / لعيون بالدمع تبكيك

شمسك قهر/ شمسك سهر لين تجفاكشمسك مواجع بارتباكة خطاويك

الظل ما علّق يدينه بشبّاكوشعاع شمسك ميتٍ فوق اراضيك

للسالفه ريقٍ نشف يوم ناداكوللجرح صرخه ما تعدت حراويك

ولحكايتي تنهيدتي وانت ما جاكغير القليل من اكثري بس يكفيك

عن رهبتي جت رغبتي عكس الادراكولوحدتي ياسي وظلم الشبابيك

والغيبه اللي أيقظت كل الاشواكوغفى عليها الورد/ بالحال تنبيك

يا غايبه لو عانقك دمع ذكراكفانا معانقني من العام طاريك

قلبي يسولف بك وعيني تحراكوعطرك على يمناي كم له يناديك

إن غاب صوتك ! صورتك بين الافلاكبروزتها مابين هذي وهذيك

توجّسيني خوف قدام لا اظماكوخلي غلاي بكل الاحوال يسقيك

واخذيني اقرب من مخدتك واغطاكواعطيني اللي كل ما احتجتي اعطيك

واذا رويتيني غلا قولي اهواكتوك معي / توي معك حب / يمديك

العيد / ما للعيد فرحه بلياكعيدي معك/ عودي لماضي لياليك

خليني اقرا فرحتك واتهجاكواكتبك واكتبني معك وانكتب فيك

عن القصيدة

«ظلم الشبابيك» من شعر زايد الرويس، وتقع في ١٦ بيتًا. وهي بالعامية، ورويّها حرف الكاف.

التعليقات(٠)

سجّل الدخول لإضافة تعليق.