كلمتين أبيك تسمعها

اضغط على أي بيت لعرض معانيه وشرحه

إصبر علي منصدم روحي بأجمّعهاأبطلق أبهام هذا الغبن من نابي

إصبر علي باقيٍ دمعه بأودعهامن سجن عيني تروح وفدوة أحبابي

لو كان عيب الرجال يهل مدمعهالكن وشأقول خان الدمع بأهدابي

حاولت أكابر بها لكن نزل معهامع الأسف من حسبته صفوة أصحابي

أسكت تراها كبيره لا ترقعهاشف خنجر الغدر بيدك ويش سوّابي

شف دمي اللي عليه وشوف موضعهالله درّك منيشن صح لأعطابي

كنت أذخرك للسنين وسوء طالعهاوشلون قبل العدو خنجرك يبدابي

دع عنك روحي ودع عنّك مواجعهايطيب هالجرح ولاّ عمر ما طابي

في خاطري كلمتين أبيك تسمعهاقبل أتوكّل على الله وأعلن غيابي

الروح هذي وطن خضرٍ مرابعهاوأطهر من أنك تدوس برجلك ترابي

ولو تغرب الشمس بعيوني لمطلعهاما أفتح عقب طعنتك للخوّه أبوابي

المشكله مو سنيني كيف أرجعهاالمشكله كنت أحسبك صفوة أصحابي

عن القصيدة

«كلمتين أبيك تسمعها» من شعر نواف التركي، وتقع في ١٢ بيتًا. وهي بالعامية، ورويّها حرف الباء، وهي قصيدة حزينة.

التعليقات(٠)

سجّل الدخول لإضافة تعليق.