لا تردين الزيارة

اضغط على أي بيت لعرض معانيه وشرحه

لاتردين الزياره ..لاتجيني ..

ما بقى بي قلب يستاهل حنينك ..لاتجيني ..

لو تشوفيني على أرصفة الشوارع ..إتركيني ..

أتسكّع في ممرات المدينة .. قلب ضايع ..وتلّقفني عيون الناس وتفتش ملامح وجهي وتقفي حزينه ..

كثّر الله خير قلبك ..لاتجيني ..

مو رخيصه ..لا وربي..

كنتي أصدق من عرف قلبي وحبّه ..كنتي أوفى العابرين من الأحبه ..

آه يا أنتي ..صار أسمك في حديث القلب كنتي ..

وآنا مليت أتعلّق في ضمير الغايبين ..وإتعداني السنين ..

غيبي أكثر ..غيبي أكثر..

لإنك أقرب من قلوب الناس وأبعدهم مسافه ..ياحسافه ..

مثل طعم الآه كنتي ..لاتردين الزياره ..

ردّي لنفس الطريق اللي بديتي به غيابك ..آنا مو محتاج عطفك ..

كثّر الله خير قلبك ..كان من ذوقك ولطفك ..

بس أنا محتاج أكثر ..من مجرد جبر خاطر ..

( لو ) تردين الزياره ..آنا محتاج لعمر ثاني أعيشه ..

شي أكثر من زياره ..آنا محتاج لكثير ..

حتى لو قلبك كبير ..آنا يا جرحي الجميل ..

باقي بعمري قليل ..صدقيني ..

كنت أغرّد خارج أسراب الطيور ..كانت الأيام بور ..

وكنت أكابر..وآتقاوا ..

وآتهاوا ..وآتهاوا ..

وآتهاوا ..لين طحت ومالقيتك ..

كنت والله ..أيه وربي ..

كنت محتاجك كثير ..ما ذكرتي ..

وش كثر مني زعلتي ..وش كثر رحتي وجيتك ..

ما ذكرتي !!كنت محتاجك صحيح ..

كنت انادي لك وأطيح ..كثّر الله خير قلبك ..

أنا مومحتاج عطفك ..لا تجين ..

لا تردين الزياره ..

عن القصيدة

«لا تردين الزيارة» من شعر نواف التركي، وتقع في ٣٠ بيتًا. وهي بالعامية.

التعليقات(٠)

سجّل الدخول لإضافة تعليق.