القصايد بناتي

اضغط على أي بيت لعرض معانيه وشرحه

ريح الشعر .. يا فوح عُود بْمكسرهلا هبّ ريحك شفت معناك ياتي

يا هالشعر .. يالغيمه اللي ممطرهيامْبعثرٍ .. قافك يلملم شتاتي

كانك رجل .. حبّيت خشمك واكسرهايلين تاتيني على أمنياتي

وان كان يا وجه السعد كنتي مَرَهعز الله ان كل القصايد بناتي .. !!

ماكْثر بنات الفكْر والوصف اخبرهكل العذارى غارن مْن اغنياتي

شيطان شعري لعنبوه آجرجرهوآفجّر بْحور الشعر وسْط ذاتي

شيطاني الأخرس يحب الثرثرهنتّفت انا شاربْه لحظة صلاتي .. !!

من فضّة الإحساس واغلى جوهرهمدّيت حرفين الغلا في وصاتي

في منبرٍ للشعْر .. ماعْظم منبرهوقّفت .. لي هامه .. وصغت اللغاتي

بعْثرت .. ثم لملمت ذيك البعثرهوازعج بصوتٍ ما درت به لهاتي .. !!

يا شعْر .. انا عظّمت شانك واذكرهما كان يوجد من قديم بْحياتي

واثريك بيني معْ جنوني بشْعرهوحدك ترافقني ليوم المماتي

يا شعْر .. ما ظنّك تسمّيت بْمَرَهبس الغريب ان القصايد .. بناتي .. !!

عن القصيدة

«القصايد بناتي» من شعر سيف الخالدي، وتقع في ١٣ بيتًا. وهي بالعامية، ورويّها حرف التاء.

التعليقات(٠)

سجّل الدخول لإضافة تعليق.