فراديس الحروف

فراديس الحروف — شعر صابر فرج

(1) — اضرب عصايتك

فوق أديم البحر — تنشق لك سماوات

وتطير لها جناحات المغفرة — وتتوب

وانت اللي عمرك — ماركبت دابة بالمقلوب

ولاكنت مرة جحا — ولاكان أبوك أيوب

ماانت الا روح الرب في الأبدان — وزارع البستان

جّمّع في كمك يسمينات النور — وافرش ورود الرحمه ع المخاليق

مااجملك انسان — شايل تلال هم البشر فوقك

ولسه لحد الآن — مرفوع جبينك

ولاتم تدنيسك — فراديس حروفك بتفتح لينا في الابواب

ونغمس اللقمة بملح إعطافك — ونوصل لباب الشمس في حضورك

(2) — رقة غصون الياسمينات

مست شغاف القلب — غني

واتمني — وافتكر روحه

داخل علي الجنه — ساعة ماشاف بنيه فلقة صبح جديد

بتصلي فوق سجادة الأحزان — ما أعظمك انسان

اذا صممت º — واتوكلت

اتوضي قبل الكلام — ومضمض الأحلام

وخرجها — وادعي يكونلك مقام

وتنقريلك آيات الطهر — والعرفان

صبارة المفازات بتحبي لك — فاشيل من جسمها الشوك

اللي شوكني — وحط ايدك علي راسي

وباركني — باسم الرب والأديان

وأمني ف صلاتي والتسابيح — ازاي اكون انسان

واجمع بكفينك — خضار الصبح لما يهل

ووزعه ع الخلق — قبل الضهر.

(3) — لو كان الباب متوارب حبه

كنت اقدر اطلع للدنيا بشكل جديد — بعيون مزروعه نهار

وايدين بتزيح الطوبه من سكة عيل — وارجع من تاني في سني

واطلع علي شط البحر — واكون له منار

واحفر لجل الخضرة — أنهار

واعمل كراستي — مراكب

وانقل بيهاالافكار — وابعد عن قلب البنت النونو

الاشرار — واقرا آيات الحكمة

ليل ونهار — لو كان الباب متوارب حبه

كنت اقدر اكون جبار — واهزم كل طغاة العصر الحالي

وانضف صحن الدار — لجل ماتسهر كل الاسرة

وتتبادل حل الأسرار — (4)

افتح لنور قلبك طاقة — وعدي منها وشوف الناس

بشر عديدة وخلاقة — فيه اللي واقف في طابونه

يعجن بحزنه دقيق الروح — ويفرده زي المنديل

وفي ساعة المرواح — يقفص الدراعين

ويتنو مستني غروب اليوم — يمكن يجي له الغد بالازهار

وهكذا المشوار — لابكره جاله بالمشتهي منه

ولا امسه كان نوار — واسودت الدنيا في أيامه

ولاشفنا ندعة ضي قدامه — كل اللي جي غروب

اما الشروق — مرمي في دايرةسرك بيضحك

البشوات.