بنت الشام
الشاعر: صابر فرج · البحر: المديد
«بنت الشام» من شعر صابر فرج، وتقع في 42 بيتًا. نُظمت على بحر المديد، ورويّها حرف الكاف.
وفي هذه الصفحة نصّ القصيدة كاملًا، مع تحليلٍ عروضيّ آليّ لكلّ بيت (البحر والتفعيلات والتقطيع والقافية)، ومعاني الألفاظ الغريبة من المعاجم الكلاسيكية، وشروح القرّاء.
بنت الشام — ماتردى يابنت ياللى بتقرى ف الجرانين
انتى اللى ف الصوره — ولآ حد يشبهلك
اتغيّرت صورتك كتير عن الماضى — لا عاد وشك ضحوك
ولآ باسم — والضحك كان يحلاله المشى ف شوارعك
ويتصاحب على أهلك — وبرتقانك
وزيتونك — ويندهلك
وينقّل الخضره لعيونك — واذا تعب يرتاح على صدرك
يابنت ماتردى على عمك — وفضفضى همك
وقوليله مين اللى مص الضحكه — من دمك
0000 — ماتردى يابنت ياللى مبلله المنديل
امتى يابنت تصرى منديلك — وتوفرى دموعك
دا الحزن لما يطولك — ويطبطب على كتافك
حايغير ف اوصافك — وياخدك جوا سرداب عتمه ورطوبه
دا الحزن يابنت — زى الضرب بالطوبه0
00000 — ماتردى يابنت ياللى مقطعه روحك
مين اللى دنس الفستان على غفله؟ — وعراكى!!
وباع ف سوق النخاسه تصاويرك — وفين أبوكى؟
وفين عمته الخضره؟ — وفينه سيف الهلالى؟
وعنتره، — والزير؟
0000 — ماتردى يابنت ياللى ضحكتك رايحه؟
ريحة العجين فايحه — والفرن باع الصاجات
والضحك ضؤ مجروح — والعتمه سارقه
انبساط الروح0 — 000
ماتردى يابنت ياللى مسهره الجدعان — على بابك المقفول؟
فين الحبيب اللى كان — وقت الخطر شيطان
ووقت الحب صفصافه — فينه ياخوافه؟
000 — ماتردى يابنت ياللى منشره هدومك؟
ليه الغسيل عتمه ومطفى اللون؟ — وفين زمان الزهزهه
والبوح؟ — والميه لما تهل ف قدوسك
وتكسرى البندقه بضروسك — هو انتى مخطوبه وليكى عريس
ولا انتى زى البنات المقطوعين الجدر! — يابنت جيبى عنيكى الخضر ف عيونى
يمكن يطيب جرحك — وتزهزه الألوان
وانادى أهل الشام يزفونى0 — 0000
ماتردى يابنت اهل الشام على قولى؟ — آدى مغزلى ونولى
انسج لك الفستان خيوط من نور — الفتله دى من القمر
والفتله دى من الشمس — كل الخيوط حبانى علشانك
وانا اللى من دون البشر — عاشق وأبقى لك
ماتعيطيش يابنت على حالك — لسه خيوط الشمس مجدوله
وطرفها ف يدى — بس انتى شاورى
وانا اعدى — وامد يدى
للقمر وأطول — وارمى النهار الجاى
على حجرك0
البحر والقافية
القصيدة على بحر المديد. بحر قليل الورود، عذب الموسيقى، سُمّي مديدًا لامتداد أسبابه حول أوتاده.
تفعيلاته: فاعلاتن فاعلن فاعلاتن.
القافية: رويّها حرف الكاف — قصائد أخرى على القافية نفسها.
معاني المفردات في القصيدة
معاني ألفاظ القصيدة الغريبة كما وردت في المعاجم الكلاسيكية (لسان العرب، مقاييس اللغة، الصحاح، القاموس المحيط):
- الخضره: الخُضْرَةُ : مصـ. -: اللون الأخضر؛ هذا الأصفر تشوبه خضْرةٌ. - في ألوان الإبل والخيل: الغُبْرَة تخالظها دُهْمة. -: النعومة؛ لا تخلو هذه المرأة من خضرة. - في ألوان الناس: السُّمْرة ج خُضَر وخُضْر.
- الصوره: الصٌورَة : الشكل والتمثالٌ المجسّمٌ الَّذِي خَلَقَكَ فَسَوَّاك فَعَدَلَكَ في أَيِّ صُورَةٍ مَا شَاءَ رَكَّبكَ. -: كلُّ ما يُصَوَّر؛ صورة الشجرة. -: الوجه. -: النوع؛ هذه المسألة على صورتين. -: الصفةُ؛ شرح الفكرة بصورة واض …
- شوارعك: جمع شَارِع.[ش ر ع]. 1."طَافَ شَوَارِعَ الْمَدِينَةِ" : أَزِقَّتَهَا الوَاسِعَةَ. 2."شَوَارِعُ سَالِكَةٌ" : أَيْ يَسْهُلُ الْمُرُورُ فِيهَا. ن. شَارِعٌ.
- ضحوك: الضَّحُوكُ : الكثيرُ الضَّحِك. - من الطُّرق: الظّاهرُ الواضح.